RENEWABLE

ஆ

• ஆக்கப் பொறுத்தவன் ஆறப் பொறுக்க வேண்டும்.

• பொறுமை மிக அவசியம்

• ஆக்கியவனுக்கு சட்டியும் பானையும்தான் மீதம்.

• ஆகும் காலம் ஆகும், போகும் காலம் போகும்.

• ஆசை அறுபது நாள், மோகம் முப்பது நாள்.

• ஆசை இருக்கு ஆனை மேல் ஏற; அம்சம் இருக்கு மண் சுமக்க!

• ஆசை உள்ளளவும் அலைச்சலும் உண்டு!

• ஆசை வெட்கம் அறியாது.

• ஆடத் தெரியாத ஆட்டக்காரி மேடை கோணல் என்றாளாம்.(A bad workman blames his tools.

• ஆட்டசெல்லம், பூட்டசெல்லம், அடிக்க செல்லம் அயலாரகத்திலே!

• ஆடுன காலும் பாடுன வாயும் சும்மா இருக்குமா?

• ஆடிக் கறக்கிற மாட்டை ஆடிக் கறக்க வேண்டும்; பாடிக் கறக்கிற மாட்டை பாடிக் கறக்க வேண்டும்.

• ஆடிப் பட்டம் தேடி விதை.

• ஆடியில் காற்றடித்தால் ஐப்பசியில் மழை பெய்யும்.

• ஆடிக் காற்றுக்கு அம்மியும் பறக்கும்.

• ஆடிக் காற்றில் அம்மியே பறக்கும் பொது இலவம்பஞ்சு என் கதி என்ன என்று கேட்டதாம்!

• ஆடிக்கு ஒரு தரம் அமாவாசைக்கு ஒரு தரம்.

• ஆடு கடிக்குமுனு அறைக்குள்ள படுத்தவ, அவுசாரியாப் போக பேயாய் அலைஞ்சாலாம்.

• ஆடு நனைகிறதே என்று ஒநாய் அழுமாம்.

• ஆடு பகையாம் குட்டி உறவாம்.

• ஆடு வளர்க்றது அழகு பாக்றத்துக்கு இல்லெ, கோழி வளக்குறது கொஞ்சு பாக்றதுக்கு இல்லெ.

• ஆடும் திரிகை அசைந்து நிற்குமுன், ஓடும் சிந்தை ஒன்பதாயிரம்.

• ஆட்டுக்கு வால் அளவறிந்து வைத்திருக்கிறது.

• ஆட்டை தோளில் போட்டுக்கொண்டு, ஊரெல்லாம் தேடினானாம்.

• ஆட்டக்காரி ஆகவில்லை என்பதற்காகத் தோட்டக்காரியைச் சிங்காரித்தது போல.

• ஆண்மூலம் அரசாளும், பெண்மூலம் நிர்மூலம்

• இது 'ஆண்மூலம் அரசாளும், பெண்மூலம் நிர்மலம்' என்பதன் திரிந்த வழக்கு.

• ஆண்மூலம் அரசாளும், பெண்மூலம் நிர்மலம்

• ஆண்டை எப்ப சாவான் திண்ண எப்ப காலியாகும்?

• ஆண்மூலம் அரசாளும், பெண் மூலம் (வழியாக) தெளிவு, நிம்மதி என்பது பொருள்.

• ஆத்தாளும் மகளும் அவுசாரியாப் போயி, முந்தானையில வச்சிருந்த முக்கால் ரூபாயயும் புடுங்கிட்டு விட்டாங்களாம்.

• ஆத்திரக்காரனுக்கு புத்தி மட்டு.

• ஆத்திரத்த அடக்குனாலும் மூத்திரத்த அடக்கக்கூடாது.

• ஆத்துக்குப் போயும் வேர்த்து வடிஞ்ச கதையா.

• ஆபத்திற்குக் குற்றம் (தோஷம்) இல்லை!

• ஆயிரங்கலம் நெல்லுக்கு ஒரு அந்துப்பூச்சி போதும்.

• ஆயிரம் தலை கண்டால் ஒரு கோயிலைக் கண்டது போல

• ஆயிரம் பேரைக் கொன்றவர் அரை வைத்தியர்

  • இது 'ஆயிரம் வேரைக் கொன்றவர் அரை வைத்தியர்' என்பதன் திரிந்த வழக்கு.

• ஆயிரம் வேரைக் கொன்றவர் அரை வைத்தியர்ஆயக்காரன் ஐந்து பணங் கேட்பான்; அதாவெட்டுக்காரன் ஐம்பது பணங் கேட்பான்

  • மூலிகைக்காக ஆயிரம் வேரைக் கொன்றவர் அரை வைத்தியர் என்பது பொருள்.

• ஆயிரம் வந்தாலும் அவசரப் படாதே.

• ஆயிரம் காசு கொடுத்துக் குதிரை வாங்கியவனுக்கு, அரை காசு கொடுத்து தீனி வாங்க முடியலையாம்!

• ஆயிரம் நட்சத்திரம் கூடினாலும் ஒரு சந்திரன் ஆகாது.

• ஆயிரம் உறவில் பெருமைகள் இல்லை அன்னை தந்தையே அன்பின் எல்லை

• ஆயிரம் பொய் சொன்னாலும் ஒரு கல்யாணம் செய்து வை.

• ஆய்ந்து பாராதான் காரியந் தான் சாந்துயரந் தரும்.

• ஆரால் கேடு, வாயால் கேடு.

• ஆரியக் கூத்தாடினாலும் காரியத்தில் கண்ணாயிரு.

• ஆலும் வேலும் பல்லுக்குறுதி, நாலும்[ நாலடியார்] இரண்டும்[குறள்] சொல்லுக்குறுதி.

• ஆலயம் தொழுவது சாலமும் நன்று.

• ஆலை இல்லாத ஊரிலே இலுப்பைப் பூச்சக்கரை.

• ஆலும் வேலும் பல்லுக்குறுதி.

• ஆழமறியாமல் காலை இடாதே.

• ஆவதும் பெண்ணாலே, அழிவதும் பெண்ணாலே!

• ஆவும் தென்னையும் ஐந்து வருடத்தில் பலம் தரும்.

• ஆள் கூடுனா பாம்பு சாகுமா?

• ஆளனில்லாத மங்கைக்கு அழகு பாழ்.

• ஆள் அறிந்து ஆசனம் போடு, பல் அறிந்து பாக்குப் போடு

• ஆள் கொஞ்சமானாலும் ஆயுதம் மிடுக்கு.

• ஆள் பாதி, ஆடை பாதி.

• ஆளப்பாத்து ஆசனம் போடு, பல்லைப்பாத்து பாக்குப்போடு.

• ஆழம் தெரியாமல் காலை விடாதே.

• ஆறிலுஞ் சாவு நூறிலுஞ் சாவு.

• ஆறின கஞ்சி பழங் கஞ்சி.

• ஆறு கடக்கிறவரையில் அண்ணன் தம்பி, ஆறு கடந்தால் நீ யார் நான் யார்?

• ஆற்றிலே போட்டாலும் அளந்து போடு.

• ஆற்றோடு போறவனுக்கு ஊர்ப்போக்கு எதற்கு.

• ஆறு இல்லா ஊருக்கு அழகு பாழ்.

• ஆறு பெண்ணைப் பெத்தால் அரசனும் ஆண்டியாவான்!

• ஆறு கெட நாணல் இடு, ஊரு கெட நூலை விடு.

• ஆறு போவதே போக்கு அரசன் சொல்வதே தீர்ப்பு.

• ஆற்றில் ஒரு காலும் சேற்றில் ஒரு காலும் வைக்காதே.

• ஆனா அந்த மடம் ஆகாட்டி சந்த மடம்.

• ஆனை கறுத்தால் ஆயிரம் பொன்.

• ஆனைக்கு ஒரு காலம் பூனைக்கு ஒரு காலம்.

• ஆனைக்கும் அடி சறுக்கும்.

• ஆனைக்கு கோவணம் கட்டு-(ரதைப்)-வதைப்போல...

• செய்வதற்குக் கடினமான/முடியாத வேலையைப்பற்றிக் குறிப்பிடும்போது சொல்லப்படும் வார்த்தைகள்

• ஆனை படுத்தால் ஆள் மட்டம்.

• ஆனை வரும் பின்னே. மணி ஓசை வரும் முன்னே.

• ஆனைக்கு விளாம்பழம் ஓட்டோடு.

• ஆனைப் பசிக்கு சோளப் பொரி

• ஆனை கொழுத்தால் வாழைத்தண்டு, மனுசன் கொழுத்தால் கீரைத்தண்டு.

• ஆனைய புடின்னா பூனைய புடிச்சானாம்.

• ஆத்தா அம்மணமாம் கும்பகோணத்தில் கோ தானமாம்.

• ஆசை இருக்கு தாசில் பண்ண அதிருஷ்டம் இருக்கு கழுதை மேய்க்க.

• ஆசைக்கு ஒரு பெண்ணும், ஆஸ்திக்கு ஒர் ஆணும்!!

• ஆலயம் இல்லா ஊரில் குடியிருக்க வேண்டாம்.

• ஆமை புகுந்த வீடும், அமீனா புகுந்த வீடும் உருப்படாது.

• ஆவாரைப் பூத்திருக்க சாவாரைக் கண்டதுண்டா?

இ

• இக்கரைக்கு அக்கரை பச்சை.

• இங்கே தலை காட்டுகிறான், அங்கே வால் காட்டுகிறான்.

• இஞ்சி இலாபம் மஞ்சளில்.

• இஞ்சி விற்ற லாபம் மஞ்சளில் போயிற்று.

• இஞ்சி தின்ன குரங்கு மாதிரி....

• இடம் கொடுத்தால் மடம் பிடுங்குவான்.

• இடத்தைக் கொடுத்தால் மடத்தைப் பிடிங்கிய கதையாக.....

• இட்ட உறவு எட்டு நாளைக்கு, நக்கின உறவு நாலு நாளைக்கு.

• இட்டுக் கெட்டார் எங்குமே இல்லை.

• இட்டார் பெரியோர் இடாதார் இழி குலத்தோர்.

• இமைக்குற்றம் கண்ணுக்குத் தெரியாது.

• இரக்கப் போனாலும் சிறக்கப் போ.

• இரண்டு வீட்டிலும் கலியாணம், இடையிலே செத்ததாம் நாய்க்குட்டி.

• இரண்டு ஓடத்தில் கால் வைக்காதே.

• இரவற் சீலையை நம்பி இடுப்புக் கந்தையை எறியாதே.

• இராகு திசையில் வாழ்ந்தவனும் இல்லை, இராச திசையில் கெட்டவனுமில்லை

• இராசா மகளானாலும் கொண்டவனுக்கு பெண்டுதான்.

• இருக்க எடம் கொடுத்த படுக்க பாய் கேப்பான்.

• இருக்குறவ அள்ளி முடியறா.

• இருட்டுக்கு முந்தி இரவு உணவு.

• இரும்பு அடிக்ற எடத்துல ஈக்கு என்ன வேலை?

• இரும்பு பிடித்த கையும் சிரங்கு பிடித்த கையும் சும்மா இரா.

• இரும்பூறல் காணாமல் இரும்பிச் செத்தான்.

• இராமனைப்போல் இராசா இருந்தால் அனுமானைப்போல் சேவகனும் இருப்பான்.

• இருவர் நட்பு ஒருவர் பொறை.

• இலவு காத்த கிளி போல....

• இல்லாது பிறாவது அள்ளாது குறையாது.

• இல்லது வாராது; உள்ளது போகாது.

• இல்லறம் அல்லது நல்லறமல்ல.

• இல்லாததை கொண்டா, கல்லாததைப் பாடு (என்பர்கள், எங்கிறார்கள்)

• இல்லாதவனுக்கு பசியேப்பம், இருப்பவனுக்கோ புளியேப்பம்.

• இழவுக்கு வந்தவள் தாலி அறுப்பாளா?

• இழுக்குடைய பாட்டிற்கு இசை நன்று.

• இளகின இரும்பைக் கண்டால் கொல்லன் ஓங்கி அடிப்பான்.

• இளங்கன்று பயமறியாது.

• இளமையிற் கல்வி கல் மேல் எழுத்து.

• இளமையில் சோம்பல் முதுமையில் வருத்தம்.

• இளைத்தவனுக்கு எள்ளு, கொழுத்தவனுக்குக் கொள்ளு!

• இளைய பிள்ளைக்காரிக்குத் தலைப் பிள்ளைக்காரி வைத்தியம் சொன்னது போல.

• இறங்கு பொழுதில் மருந்து குடி.

• இறுகினால் களி , இளகினால் கூழ்.

• இரைக்க ஊறும் மணற்கேணி, ஈயப் பெருகும் பெருஞ்செல்வம்.

• இரைத்த கிணறு ஊறும், இரையாத கிணறு (கேணி) நாறும்.

• இனம் இனத்தோடே வெள்ளாடு தன்னோடே

• இனம் இனத்தோடே எழைப்பங்கன் பணத்தோடே.

• இன்றைக்கு இலை அறுத்தவன் நாளைக்கு குலை அறுக்கமாட்டானா?

ஈ

• ஈக்கு விடம் தலையில், தேளுக்கு விடம் கொடுக்கில்; தீயோனுக்கு உடலெங்கும் விடம்.

• ஈட்டி எட்டு முழம் பாயும் பணம் பாதாளம் மட்டும் பாயும்.

• ஈயார் தேட்டைத் தீயார் கொள்வர்.

• ஈர நாவிற்கு எலும்பில்லை.

• ஈரைப் பேனாக்கி, பேனைப் பெருமாள் ஆக்குகிறான்.

• ஈயத்தைப் பார்த்து இளித்ததாம் பித்தளை.

உ

• உட்கார்ந்தால் அல்லவா படுக்க வேண்டும்.

• உட்கார்ந்து தின்றால் மலையும் கரையும்.

• உடம்பு போனால் போகிறது கை வந்தால் போதும்.

• உடல் உள்ள வரையில் கடல் கொள்ளாத கவலை.

• உடைத்த சங்கு ஊத்துப் பறியுமா?

• உடைமையும் வறுமையும் ஒரு வழி நில்லா

• உடையவன் பாரா வேலை ஒரு முழங் கட்டை.

• உடையவன் இல்லாதது ஒரு மொழந்துண்டு.

• உண்ட உடம்பிற்கு உறுதி, உழுத புலத்தில் நெல்லு.

• உண்ட களைப்பு தொண்டருக்கும் உண்டு.

• உண்ட வீட்டுக்கு இரண்டகம் நினைக்காதே.

• உண்டிக் கொடுத்தோர் உயிர் கொடுத்தோர்

• உண்டு கொழுத்தால் நண்டு வளையில் இராது.

• உண்ணாச் சொத்து மண்ணாய்ப் போகும்.

• உண்ணீர் உண்ணீரென்றே ஊட்டாதார் தம் மனையில் உண்ணாமை கோடி பெறும்.

• உத்திராடத்தில் ஒரு பிள்ளையும், ஊர் வாரியில் ஒரு நிலமும்.

• உதட்டில் வெல்லம், உள்ளத்தில் கள்ளம்/விஷம்.

• உதிரம் பெருத்தால் உத்திரத்திற்கு ஆகாது.

• உதிரியா கிடந்தாலும் மல்லிகை! உப்பா கிடந்தாலும் வெள்ளை

• உப்பிட்டவரை உள்ளளவும் நினை.

• உப்பைத் தின்றவன் தண்ணீர் குடிப்பான்

• உப்பில்லாப் பண்டம் குப்பையிலே

• உப்பில்லாப் பண்டம் பாழ், குடியில்லா வீடும் பாழ்.

• உப்பில்லா பத்தியக்காரன் ஊறுகாய்க்கு ஆசைப்பட்டானாம்!

• உப்புல தெரியுமாம் துப்பு, நீருல தெரியுமாம் சீரு.

• உயர உயர பறந்தாலும் ஊர்க்குருவி பருந்தாகுமா?

• உரம் ஏற்றி உழவு செய்

• உரலில் அகப்பட்டது உலக்கைக்கு தப்புமா?

• உருட்டும் புரட்டும் ஒடுக்கும் சிறப்பை.

• உலை வாயை மூடினாலும் ஊர் வாயை மூடமுடியாது!

• உலோபிக்கு இரட்டை செலவு.

• உழக்கு பணம் இருந்தால்தான் பதக்கு சமத்து இருக்கும்.

• உழுகிற நாளில் ஊருக்குப் போனால், அறுக்கிற நாளில் ஆள் தேவையில்லை.

• உழுதவன் கணக்குப் பார்த்தால் உழக்கேனும் மிஞ்சாது.

• உள்ள அளவும் உப்பிட்நினைடவரை .

• உள்ளங்கை முன்னால் போனால் பின்னங்கை தானே வரும்.

• உள்ளங்கை புண்ணுக்கு கண்ணாடி வேண்டுமா?

• உள்ளது சொல்ல ஊரும் அல்ல நல்லது சொல்ல நாடும் அல்ல

• உள்ளது போகாது இல்லது வாராது.

• உள்ளதைச்சொன்னால் நொள்ளைக் கண்ணனுக்கு கோவமாம்!

• உள்ளம் தீயெரிய உதடு பழஞ் சொரிய.

• உளவு இல்லாமல் களவு இல்லை.

• உளறுவாயனுக்கு ஊமையனே மேல்.

• உறவு போகாமல் கெட்டது கடன் கேட்காமல் கெட்டது. [இதனை இப்படி கூட கூறுவார்கள்-பார்க்காத உறவும் கேட்காத கடனும் பாழ்]

• உறியிலே வெண்ணெய் இருக்க நெய்க்கலைவானேன்.

ஊ

• ஊசி முனையில் தவமிருந்தாலும் உன்னதுதான் கிட்டும்.

• ஊசி முனையில் மூன்று குளம்

• ஊசியைக் காந்தம் இழுக்கும் உத்தமனைச் சிநேகம் இழுக்கும்.

• ஊணுக்கு முத்துவான் வேலைக்குப் பிந்துவான்.

• ஊண் அற்றபோது உடலற்றது.

• ஊமையாய் இருந்தால் செவிடும் உண்டு.

• ஊமை சொப்பனம் கண்டாற் போல..

• ஊருடன் ஒட்டி வாழ்.

• ஊர் இரண்டு பட்டால் கூத்தாடிக்குக் கொண்டாட்டம்.

• ஊர் உண்டு பிச்சைக்கு, குளம் உண்டு தண்ணீருக்கு.

• ஊர்க்குருவியைக் கொல்ல இராமபாணமா வேணும்?

• ஊர் வாயை மூட உலைமுடி இல்லை.

• ஊரில் கல்யாணம் மார்பில் சந்தனமா?

• ஊருக்கு இளைத்தவன் பிள்ளையார் கோயில் ஆண்டி.

• ஊருடன் பகைக்கின் வேறுடன் கெடும்.

• ஊருக்கு உபதேசமடி பெண்ணே, அது உனக்கில்லையடி கண்ணே.

• ஊர் சனங்களுக்கு எப்படியெல்லாம் இருக்கவேண்டும் என்று உபதேசிக்கும் ஒருவன், தன் மனைவி, மக்கள் அவன் ஊர் சனங்களுக்குச் சொன்னதற்கு நேரெதிராக, நடந்துக்கொண்டாலும் கண்டிக்காமல்/கண்டுக்கொள்ளாமல் இருந்துவிடும் இயல்பைக் குறித்துச் சொல்லப்படும் சொலவடை

• ஊர் அறிந்த பிராமணனுக்கு பூணூல் எதற்கு?

• ஊழி பெயரினும் ஊக்கமது கைவிடல்.

• ஊருக்கு இளைத்தவன் பிள்ளையார் கோவில் ஆண்டி.

• ஊரான் பிள்ளையை ஊட்டி வளர்த்தால் தன் பிள்ளை தானே வளரும்.

• ஊரான் வீட்டு நெய்யே, தன் பெண்டாட்டி கையே.

• ஊழி பெயரினும் ஊக்கமது கைவிடேல்.

எ

• எங்கப்பன் குதுருக்குள்ள இல்ல.

• எங்கள் வீட்டுக்கு வந்தால் என்ன கொண்டு வருகிறாய், உங்கள் வீட்டுக்கு வந்தால் என்ன தருவாய் ?

• எங்கே புகையுண்டோ அங்கே நெருப்பு உண்டு.

• எச்சிற் கையால் காக்கை ஓட்டாதவன் பிச்சை கொடுப்பானா?

• எடுக்கிறது பிச்சை ஏறுகிறது பல்லாக்கு.

• எடுத்தாலும் பங்காரு பெட்டியை எடுக்க வேண்டும்; இருந்தாலும் சிங்கார கழுவில் இருக்க வேண்டும்!

• எடுப்பார் கைப்பிள்ளையைப் போல இருக்காதே!

• எட்டாத பழத்திற்கு கொட்டாவி விட்டானாம்..(விடாதே!)

• எட்டிக்குப் பால் வார்த்து வளர்த்தாலும் தித்திப்பு உண்டாகாது.

• எட்டி பழுத்தென்ன, ஈயார் வாழ்ந்தென்ன?

• எட்டு வயசான எரும ஏரிக்கு வழி கேக்குதாம்.

• எண் இல்லாதவர் கண் இல்லாதவர்.

• எண்ணத் தொலையாது; ஏட்டில் அடங்காது!

• எண்ணறக்கற்று எழுத்தறப் படித்தாலும், பெண்புத்தி பின்புத்திதான்!

• எழுத்து இல்லாதவர் கழுத்து இல்லாதவர்.

• எண் சாண் உடம்பிற்குச் சிரசே பிரதானம்.

• எண்ணிச் செய்கிறவன் செட்டி, எண்ணாமல் செய்கிறவன் மட்டி.

• எண்ணிச்செய்வது செட்டு, எண்ணாமல் செய்வது வேளாண்மை.

• எண்ணெய் முந்துதோ திரி முந்துதோ?

• எதார்த்தவாதி வெகுசன விரோதி.

• எதிர்த்தவன் ஏழை என்றால் கோபம் சண்டாளம்.

• எதிரிக்கு எதிரி நண்பன்.

• எதை அடக்காவிட்டாலும் நாக்கை அடக்கவேண்டும்.

• எத்தைத் தின்னால் பித்தம் தெளியும்? (சொலவடை)

• எத்தனை புடம் போட்டாலும் இரும்பு பசும்பொன் ஆகுமா?

• எத்தால் வாழலாம், ஒத்தால் வாழலாம்.

• எந்நிலத்து வித்திடுனும் காஞ்சிரங்காய் தெங்காகா

• எய்தவன் இருக்க அம்பை நோவானேன் ?

• எரிகிறதைப் பிடுங்கினால் கொதிக்கிறது அடங்கும்.

• எரிகிற வீட்டில் பிடுங்கினது இலாபம்.

• எருமை வாங்கும் முன்னே நெய் விலை கூறாதே.

• எரிகிற கொள்ளியில் எந்த கொள்ளி நல்ல கொள்ளி?

• எரியும் பந்தத்திற்கு எண்ணெய் வார்ப்பதைப்போல...

• எருது நோய் காக்கைக்கு தெரியுமா?

• எருது புண்ணு காக்கைக்குத் தெரியுமா?

• எருமைமாட்டின் மீது மழை பெய்தாற் போல.

• எலி அழுதால் பூனை விடுமா?

• எலி இருக்கிற இடத்தில் பாம்பு இருக்கும்.

• எலிக்குத் திண்டாட்டம் பூனைக்குக் கொண்டாட்டம்

• எலிக்கறி உடம்புக்கு நல்லதுன்னு பூனை சொல்லுச்சாம்.

• எலி வளை யானாலும் தனி வளை வேண்டும்.

• எலியைக் கொல்ல குடியிருக்கும் வீட்டிற்கே தீ வைத்தாற்போல..(வைத்துக்கொள்ளுவார்களா?)

• எலும்பு கடிக்கிற நாய் இரும்பைக் கடிக்குமா?

• எல்லோருக்கும் ஒவ்வொன்று எளிது

• எல்லோரும் பல்லக்கு ஏறினால் பல்லக்கைத் துக்குகிறவர் யார்?

• எல்லாரும் கூடிக் குல்லாய் போட்டனர்!

• எல்லாரும் தடுக்கின்கீழ் நுழைந்தால், இவள் கோலத்தின் கீழ் நுழைந்ததைப் போல்!

• என்றைக்கும் இல்லாத திருநாளாக....(சொலவடை)

• என்றும் செய்யாத, எதிர்பார்க்காத ஒரு காரியத்தை ஒருவர் செய்யும்பொது பயன்படுத்தும் சொலவடை...எ.கா.,என்றைக்கும் இல்லாத திருநாளாக அந்தப்பெரியவர் நம்வீடு தேடி வந்திருக்கிறார்...நம்மாலான உதவிகளைச் செய்வோம்!..

• எழுதாக் கடனுக்கு அழுதால் தீருமா?

• எழுதியவன் ஏட்டைக் கெடுத்தான், படித்தவன் பாட்டைக் கொடுத்தான்

• எழுதி வழங்கான் வாழ்க்கை கழுதை புரண்ட களம்.

• எழுத்தறச் சொன்னாலும் பெண் புத்தி பின் புத்தி.

• எளியவன் பெண்டாட்டி எல்லோருக்கும் மைத்துனி.

• எளியாரை வலியார் அடித்தால் வலியாரை தெய்வம் அடிக்கும்

• எள் என்றால் எண்ணெயாக நிற்பான்/இருப்பான்!

• கொடுக்கப்பட்ட வேலையை எதிர்பார்த்ததற்கும் மேலாக மிகச்சிறப்பாக செய்வான்/செய்யக்கூடியவன் என்றுப் பொருள்... நல்லெண்ணெய் தேவைப்படுபவன் எள்ளைப் பார்த்தவுடன் அது எண்ணெயாக மாறிவிட்டால் எப்படியோ, அப்படி எனக் கொள்ளவேண்டும்

• எள் என்கிறதற்கு முன்னே எண்ணெய் கொண்டு வருகிறான்.

• எள்ளுக்கு ஏழு உழவு , கொள்ளுக்கு ஓர் உழவு.

• எளைச்சவனுக்கு எள்ளு, கொழுத்தவனுக்கு கொள்ளு.

• எறும்பு ஊரக் கல்லுந் தேயும்.

• எறும்புந் தன் கையால் எண் சாண்

• எத்தைத் தின்னால் பித்தம் தெளியும்?

ஏ

• ஏட்டு சுரைக்காய் கறிக்கு உதவாது.

• ஏதென்று கேட்பாருமில்லை எடுத்துப் பிடிப்பாருமில்லை.

• ஏமாந்தவன் தொடையில் திரித்தது லாபம்.

• ஏர் பிடித்தவன் என்ன செய்வான்? பானை பிடித்தவள் பாக்கியம்.

• ஏரி நிறைந்தால் கரை கசியும்.

• ஏரி மடை என்றால் நோனி மடை (என்கிறார்)

• ஏரி மேல் கோபித்துக்கொண்டு குண்டி கழுவாமல் போனானாம்.

• ஏருழுகிறவன் இளப்பமானால் எருது மச்சான் முறை கொண்டாடும்.

• ஏவுகிறவனுக்கு வாய்ச்சொல், செய்கிறவனுக்குத் தலைச்சுமை

• ஏழை அழுத கண்ணீர் கூரிய வாளை ஒக்கும்.

• ஏழை என்றால் எவர்க்கும் எளிது.

• ஏழைக்கு இரக்கப்பட்டா நாளைக்கு இருக்க மாட்டோம்.

• ஏழைக்கேத்த எள்ளுருண்டை.

• ஏழையின் சொல் அம்பலம் ஏறாது.

• ஏறச் சொன்னால் எருதுக்குக் கோபம், இறங்கச் சொன்னால் நொண்டிக்குக் கோபம்.

• ஏன் நாயேன்னா எட்டி மூக்க நக்குமாம்.

• ஏற்றவன் குண்டிய எட்டனமுட்டும் தாங்கலாம்

ஐ

• ஐங்காயம் இட்டு அரைத்துக் கரைத்தாலும் தன் நாற்றம் போகா தாம் பேய்ச்சுரைக்காய்க்கு.

• ஐந்தில் வளையாதது, ஐம்பதில் வளையுமா?

• ஐந்து வயது வரை பிள்ளையைப் பேய் வளர்க்கும்.

• ஐயமான காரியத்தைச் செய்தல் ஆகாது

• ஐயர் வரவில்லை என்பதற்காக அமாவாசை நிற்குமா?

• ஐப்பசி அடை மழை.

• ஐயருக்கு எதுக்கு ஆட்டுக்குட்டி வெயாபாரம்.

• ஐம்பதிலும் ஆசை வரும்

ஒ

• ஒட்டத்கூத்தன் பாட்டுக்கு இரட்டை தாழ்ப்பாள்.

• ஒத்தை பிராமணனுக்கு முன்னும், இரட்டை வைசியனுக்கு முன்னும் போகாதே!

• ஒரு வேலை செய்ய வெளியே போக முயலும்போது எதிரே ஒற்றை அந்தணரோ அல்லது இரண்டு வைசியர்களோ வந்தால் அது சகுனத்தடை...அந்தக் காரியம் நிறைவேறாது என்றுப் பொருள்.

• ஓதிய மரம் தூணாமோ, ஒட்டாங் கிளிஞ்சல் காசாமோ?

• ஒரு காசு பேணின் இரு காசு தேறும்

• ஒரு குடம் பாலுக்கு ஒரு துளி பிரை

• ஒரு குடம் பாலுக்கு ஒரு துளி நஞ்சு.

• ஒரு கை தட்டினால் ஓசை எழும்புமா?

• ஒரு கை (அல்லது வெறுங்கை) முழம் போடுமா?

• ஒரு நன்றி செய்தவரை உள்ள அளவும் நினை

• ஒரு நாள் கூத்துக்கு மீசையைச் சிரைக்கவா?

• ஒரு பானைச் சோற்றுக்கு ஒரு சோறு பதம்.

• ஒரு பொய்யை மறைக்க ஒன்பது சொல்லுதல்

• ஒரு பொய்யை மறைக்க ஒன்பது பொய் சொல்லுதல்.

• ஒரு முறை உண்பவன் யோகி, இரு முறை உண்பவன் போகி, மும்முறை உண்பவன் ரோகி.

• ஒருமைப் பாடில்லாத குடி ஒருமிக்கக் கெடும்.

• ஒருவர் அறிந்தால் இரகசியம், இருவர் அறிந்தால் அம்பலம்.

• ஒரே குட்டையில் ஊறிய மட்டைகள்.

• ஒன்றுபட்டால் உண்டு வாழ்வு.

• ஒற்றுமையே பலம்.

• ஒருவனாய் பிறந்தால் தனிமை, இருவராய்ப் பிறந்தால் பகைமை.

• ஒழுக்கம் உயர்குலத்தின் நன்று.

• ஒளிக்கப் போயும் தலையாரி வீட்டிலா!

• ஒன்னே ஒன்னு, கண்ணே கண்ணு (என்று).......

• ஒண்டவந்த பிடாரி ஊர்ப் பிடாரியை ஓட்டியதாம்.

• ஓசை பெறும் வெண்கலம் ஓசை பெறா மட்கலம்.

• ஒய்யாரக்கொண்டையாம் தாழம்பூவாம் அதனுள்ளே இருக்குமாம் ஈறும் பேனும்.

ஓ

• ஓங்கி அறைந்தால் ஏங்கி அழ சிவன் இல்லை.

• ஓடி ஒரு கோடி தேடுவதிலும், இருந்து ஒரு காசு தேடுவது நலம்.

• ஓடிப்போனவனுக்கு ஒன்பதாம் இடத்தில் இராசா, அகப்பட்டவனுக்கு அட்டமத்திலே சனி.

• ஓடி வரும் பூனை ஆடி வரும் ஆனை.

• ஓடுகிறவனைக் கண்டால் துரத்துகிறவனுக்கு இலேசு.

• ஓடுகிற ஓணானை இடுப்பில் கட்டிக்கொண்டு, குத்துதே குடையுதே என்றானாம்....

• ஓட்டம் உள்ளவரை ஆட்டமும் அதிகம்!

• ஓட்டைக் கப்பலுக்கு ஒன்பது மாலுமி.

• ஓட்டை பானையிலும் சர்க்கரை இருக்கும்

• ஓணான் வேலிக்கு இழுக்கிறது; தவளை தண்ணீருக்கு இழுக்கிறது!

• ஓதாதார்க்கு இல்லை உணர்வொடு ஒழுக்கம்.

• ஓதுவார் எல்லாம் உழுவான் தலைக்கடையிலே.

• ஓர் ஊருக்கு ஒரு வழியா? ஒன்பது வழி.

• ஓர் ஊர்ப்பேச்சு ஓர் ஊருக்கு ஏச்சு.

ஔ

• ஒளவை சொல்லுக்கு அச்சம் இல்லை.

க

• கங்கையில் மூழ்கினாலும் காக்கை அன்னம் ஆகுமா?

• கசடறக் கல்லார்க்கு இசை உறல் இல்லை.

• கடலுக்குக் கரை போடுவார் உண்டா?

• கடலைத் தாண்ட ஆசையுண்டு கால்வாயைத் தாண்டக் கால் இல்லை.

• கடல் கொதித்தால் விளாவ நீர் ஏது?

• கடல் திடலாகும், திடல் கடலாகும்.

• கடல் மீனுக்கு நீச்சுப் பழக்க வேண்டுமா?

• கடல் வற்றினால் கருவாடு தின்னலாம் என்று உடல் வற்றி செத்ததாம் கொக்கு!

• கடலாழம் கண்ட பெரியோர்க்கும் பெண்கள் மன ஆழம் காணலரிது!

• கடவுளை நம்பினோர் கைவிடப் படார்.

• கடன் இல்லா கஞ்சி கால் வயிறு.

• கடன் வாங்கிக் கான் கொடுத்தவனும் கெட்டான்; மரம் ஏறிக் கைவிட்டனும் கெட்டான்.

• கடன் வாங்கியும் பட்டினி, கல்யாணம் பண்ணியும் சந்நியாசி.

• கடன் பட்டார் நெஞ்சம் போல...

• கத்தி எடுத்தவன் கத்தியாலேயே சாவான்.

• கடமையைச் செய் பலனை எதிர்பாராதே.

• கடித்த சொல்லினும் கனிந்த சொல்லே நன்மை.

• கடுகத்தனை நெருப்பானாலும் போரைக் கொளுத்திவிடும்.

• கடுகு சிறுத்தாலும் காரம் போகுமா?

• கடுகு போன இடம் ஆராய்வார், பூசணிக்காய் போன இடம் தெரியாது.

• கடுகு களவும் களவுதான், கற்பூரம் களவும் களவு தான்.

• கடுங்காற்று மழை கூட்டும் கடுஞ் சிநேகம் பகை கூட்டும்.

• கடுஞ் சொல் தயவைக் கெடுக்கும்.

• கடை காத்தவனும் காடு காத்தவனும் பலன் அடைவான்.

• கடைத் தேங்காயை எடுத்து வழிப் பிள்ளையாருக்கு உடைப்பது போல.

• கடைந்த மோரிலே குடைந்து வெண்ணெய் எடுக்கிறது.

• கட்டக் கரிய இல்லாமற் போனாலும் பேர் பொன்னம்மாள்.

• கட்டிக்கொடுத்த சோறும் கற்றுக்கொடுத்த சொல்லும் எத்தனை நாள் நிற்கும்.

• கட்டினவனுக்கு ஒரு வீடானால் கட்டாதவனுக்கு பல வீடு.

• கட்டின வீட்டுக்கு எட்டு வக்கனை.

• கணக்கன் கணக்கறிவான் தன் கணக்கைத் தான் அறியான்.

• கணக்கன் கணக்கைத் தின்னாவிடில், கணக்கனை கணக்கு தின்று விடும்.

• கணக்கைப் பார்த்தால் பிணக்கு வரும்.

• கண் உள்ள போதே காட்சி; கரும்பு உள்ள போதே ஆலை!

• கண் கண்டது கை செய்யும்.

• கண் குருடு ஆனாலும் நித்திரையில் குறையுமா?

• கண்டதே காட்சி கொண்டதே கோலம்.

• கண்டது சொன்னால் கொண்டிடும் பகை.

• கண்டால் ஒரு பேச்சு, காணாவிட்டால் ஒரு பேச்சு.

• கண்டால் காமாட்சி, காணாவிட்டால் மீனாட்சி.

• கண்டதைத் தின்றால் பலவான் ஆகலாம்.

• கண்ணடிச்சு வராத பொம்பள கையப்படிச்சு இழுத்தா வரவா போறா?

• கண்ணிலே குத்தின விரலைக் கண்டிப்பார் உண்டோ?

• கண்ணிற் பட்டால் கரிக்குமா, புருவத்திற் பட்டால் கரிக்குமா?

• கண்ணிற் புண் வந்தால் கண்ணாடி பார்த்தல் ஆகாது.

• கண்ணைக்கட்டி காட்டில் விட்டாற்போல!

• கண்ணு சிறுசு, காண்பதெல்லாம் பெரிசு.

• கண்ணால் காண்பதும் பொய், காதால் கேட்பதும் பொய் , தீர விசாரிப்பதே மெய்.

• கண்ணாடி வீட்டிலிருந்து கல் எறிந்தாற் போல

• கத்தரிக்காய் சொத்தை என்றால் அரிவாள்மணை குற்றம் என்கிறாள்.

• கத்தரிக்காய் முற்றினால் கடைத் தெருவுக்கு வந்துதானே ஆக வேண்டும்.

• கதிரவன் சிலரை காயேன் என்குமோ?

• கந்தனுக்குப் புத்தி கவட்டுக்குள்ளே

• கந்தையானாலும் கசக்கிக் கட்டு.

• கப்பல் ஏறிப் பட்ட கடன் கொட்டை நூற்றா விடியும்.

• கப்பல் கவிழ்ந்தாலும் கன்னத்தில் கை வைக்காதே.

• கப்பற்காரன் பெண்டாட்டி தொப்பைக்காரி, கப்பல் உடைந்தால் பிச்சைக்காரி.

• கப்பற்காரன் வாழ்வு காற்று அடித்தால் போச்சு.

• கம்பன் வீட்டுக் கட்டுத்தறியும் கவி பாடும்!

• கம்பால் சாய்க்காதவனைக் கயிற்றால் சாய்த்த கதையாக.

• கரணம் தப்பினால் மரணம்.

• கரிவிற்ற பணம் கறுப்பாய் இருக்குமா?

• கருப்பே அழகு காந்தலே ருசி!

• கருமத்தை முடிக்கிறவன் கட்டத்தைப் பாரான்.

• கரும்பு கசக்கிறது வாய்க் குற்றம்

• கரும்பு விரும்ப அது வேம்பாயிற்று.

• கரும்பு ருசி என்று வேரோடு பிடுங்கலாம்?

• கரும்பு தின்ன கூலி வேண்டுமா?

• கருத்த பார்ப்பனனையும், வெளுத்த சூத்திரனையும் நம்பாதே !?

• கலகம் பிறந்தால் நியாயம் பிறக்கும்.

• கல் தோன்றி மண் தோன்றாக் காலத்தே முன் தோன்றிய மூத்த குடி தமிழ்க்குடி!

• கல்லென்றாலும் கணவன், புல்லென்றாலும் புருசன்.

• கல்லடிச் சித்தன் போனவழி, காடுமேடெல்லாம் தவிடுபொடி.

• கல்லாடம் [ ஒரு நூல்] படித்தவனோடு மல் ஆடாதே.

• கல்லாதவரே கண்ணில்லாதவர்.

• கல்லாதார் செல்வத்திலும் கற்றார் வறுமை நலம்.

• கல்லடி பட்டாலும் கண்ணடி படாதே!!

• கல்வி அழகே அழகு.

• கல்வி இல்லாச் செல்வம் கற்பில்லா அழகு.

• கல்விக்கு இருவர், களவுக்கு ஒருவர்.

• கல்யாணம் ஆயிரம் காலத்துப் பயிர்.

• கவலை உடையோர்க்குக் கண்ணுறக்கம் வராது.

• கழுவுகிற நீரில் நழுவுகிற மீன் போல.

• கழுதை கெட்டால் குட்டிச் சுவர்.

• கழுதைக்கு தெரியுமா கற்பூர வாசனை

• கழுதைக்கு உபதேசம் காதில் ஓதினாலும் அபயக் குரலே குரல்.

• களவுக்குப் போறவன் தும்பக் கூடாது, கடை வச்சவன் தூங்கக் கூடாது.

• களவும் கற்று மர

( இது 'களவும் கத்தும் மற' என்பதன் திரிந்த பழமொழி)

• களவும் கத்தும் மற

• களவையும் சூதாட்டத்தையும் மறந்துவிடு என்பது பொருள்.

• களை பிடுங்காப் பயிர் காற்பயிர்.

• கள் குடித்த குரங்கு போல ...

• கள் விற்றுக் கலப்பணம் சம்பாதிப்பதைவிடக் கற்பூரம் விற்றுக் காற்பணம் சம்பாதிப்பது மேல்.

• கள்ள மனம் துள்ளும்.

• கள்ளனும் தோட்டக்காரனும் ஒன்று கூடினால் விடியு மட்டும் திருடலாம்.

• கள்ளம் பெரிதோ? காப்பு பெரிதோ!

• கள்ளிக்கு முள்வேலி இடுவானேன்!

• கள்ளைக் குடித்தால் உள்ளதைச் சொல்லுவான்.

• கள்ளனை நம்பினாலும் குள்ளனை நம்பாதே.

• கள்ளுக்கும் காமத்துக்கும் கண்ணில்லை!

• கறையான் புற்று பாம்புக்கு உதவுகிறது.

• கற்றது கைம்மண்ணளவு கல்லாதது உலகளவு.

• கற்றோர்க்குச் சென்ற இடமெல்லாஞ் சிறப்பு.

• கன்றுக்குட்டிக்குத் தெரியுமா, கவணையுடைய உயரம்?

• கனவில் கண்ட பணம் செலவிற்கு உதவுமா?

• கனிந்த பழம் தானே விழும்.

• கற்கையில் கல்வி கசப்பு, கற்றபின் அதுவே இனிப்பு.

• கற்பில்லாத அழகு, வாசனை இல்லாத பூ.

• கடமை கண் போன்றது

• கல்யாணம் பண்ணி பார் வீட்டை கட்டி பார்

கா

• காசுக்கு ஒரு குதிரையும் வேண்டும் அது காற்றைப் போல பறக்கவும் வேண்டும்.

• காஞ்சிபுரம் போனா காலாட்டி சாப்டலாம்.

• காடு காத்தவனும் கச்சேரி காத்தவனும் பலன் அடைவான்.

• காட்டுக்கு எறித்த நிலாவும் கானலுக்குப் பெய்த மழையும்.

• காட்டு வாழை வந்தால் வீட்டு வாழ்வு போகும்.

• காட்டை வெட்டிச் சாய்த்தவனுக்குக் கம்பு பிடுங்கப் பயமா?

• காண ஒரு தரம் கும்பிட ஒரு தரமா?

• காணி ஆசை கோடி கேடு.

• காணிக்குச் சோம்பல் கோடிக்கு வருத்தம்

• காதற்ற ஊசியும் வாராது காணுங் கடைவழிக்கே.

• காதோரம் நரைத்த முடி கதை முடிவை காட்டும்.

• காகம் திட்டி மாடு சாகாது.

• காகம் வழி காட்டினால் செத்த நாயிடம் சேர்க்கும்.

• காக்கைக்கும் தன் குஞ்சு பொன் குஞ்சு.

• காக்காய் உட்கார பனம் பழம் விழுந்தாற் போல.

• காகிதப்பூ மணக்காது.

• காப்பு சொல்லும் கை மெலிவை.

• காமாலைக் கண்ணுக்குக் கண்டதெல்லாம் மஞ்சள் நிறம்.

• காய்த்த மரம் கல் அடிபடும்.

• காய்ந்தும் கெடுத்தது பெய்தும் கெடுத்தது.

• காய்ந்த மாடு கம்பங்கொல்லையில் விழுந்த மாதிரி..

• காரண குருவே காரிய குரு!

• காரியமாகும் வரையில் கழுதையையும் காலைப்பிடி.

• காரியம் பெரிதோ வீரியம் பெரிதோ?

• கார்த்திகை பின் மழையும் இல்லை, கர்ணனுக்குப்பின் கொடையும் இல்லை

• காலம் பிழைத்தால் கறுத்தார் என்ன செய்ய முடியும் ?

• காலமும் கடல் அலையும் எவருக்கும் காத்திரா.

• காலம் செய்கிறது ஞாலம் செய்யாது.

• காலம் பொன் போன்றது

• காலம் போம் வார்த்தை நிற்கும், கப்பல் போம் துறை நிற்கும்

• காலத்துக்கு ஏற்றபடி பெருச்சாளி காவடி எடுத்து ஆடிற்றாம்!

• காலளவே ஆகுமாம் கப்பலின் ஓட்டம், நூலளவே ஆகுமாநுண்சீலை.

• காலணாக் கொடுத்து அழச் சொன்னாளாம், நாலணாக் கொடுத்து ஓயச் சொன்னாளாம்.

• காலுக்குதக்க செருப்பும்,கூலிக்குத் தக்க உழைப்பும்.

• காலைக் கல்; மாலைப் புல்.

• ("காலை நேரத்தில் கல்லின் மேல் உட்காரலாம்; குளிர்ச்சியாக இருக்கும். மாலை நேரத்தில் கல்லின் மேல் உட்கார்ந்தால் சுடும். காலை நேரத்தில் புல்லின் மேல் உட்கார்ந்தால் மிகவும் குளிர்ச்சியாக இருக்கும். மாலை நேரத்தில் புல்லின் மேல் அமர்ந்தால் இதமாக இருக்கும்" என்று சிலர் பொருள் கூறுவார்கள்; மாறாக, வேறு ஒரு பொருளும் கூறுவர். காலையில் கற்க வேண்டும். அப்போது மனம் அமைதியாக இருந்து கல்வியை ஏற்கத் தயாராக இருக்கும். காலை என்பது அதிகாலை 4 மணிக்கும் மேல்; அப்போது கற்கும் கல்வி கல்வெட்டு போல் மூளையில் பதியும். "இளமையில் கல்வி சிலைமேல் எழுத்து' என்பது கல்வி பற்றிய ஒரு பழமொழி. "மாலைப் புல்" என்பதற்கு, மாலை நேரம் இன்பத்தை அனுபவிப்பதற்கு ஏற்ற நேரம் என்று கூறுவர். (புல்-புல்லுதல்-இன்பம் அனுபவித்தல்). இது பவணந்தியார் என்ற இலக்கண ஆசிரியர் கருத்து. (காலைக் கல்; மாலைப் புல்!, தமிழ்மணி, 12 பிப் 2012)

• காலை வெய்யில் காலன், மாலை வெய்யில் மருந்து.

• காவடிப் பாரம் சுமக்கிறவனுக்குத் தெரியும்

• காவலுக்கு பொம்மை இருக்கேன்னு நம்பி களம் நிறைய நெல்லு காய வச்சாங்களாம்!

• காற்றில்லாமல் தூசி பறக்குமா?

• காற்று உள்ளபோதே தூற்றிக்கொள்.

• காற்றுக்கு எதிர்லே துப்பினால் முகத்தில் விழும்.

• காட்டுப் பூனைக்குச் சிவராத்திரி விரதமா?

கி

• கிடந்த கிடைக்கு நடந்த நடை மேல்!

• கிட்டாதாயின் வெட்டென மற

• கிணற்றுக்குத் தப்பித் தீயிலே பாய்ந்தான்.

• கிணற்றுத் தவளைக்கு நாட்டு வளப்பம் ஏன்?

• கிணற்றுத் தண்ணீரை வெள்ளம் கொண்டுபோகாது.

கீ

• கிரீடத்தை பிடிக்க, கிராமத்தை பிடி

• கீர்த்தியால் பசி தீருமா?

• கீறி ஆற்றினால் புண் ஆறும்.

• கிரீடம் அரசனுக்கு மட்டுமே சொந்தம்.

கு

• குங்குமம் சுமந்த கழுதை மணம் அறியுமா?

• குசவனுக்கு ஆறுமாதம் தடிகாரனுக்கு அரை நாழிகை.

• குஞ்சுக் கோழி ஆனாலும் குனிந்து அறுக்க வேண்டும்

• குடல் காய்ந்தால் குதிரையும் வைக்கோல் தின்னும்.

• குடி குடியக் கெடுக்கும்.

• குடி, சூது, விபசாரம் குடியைக் கெடுக்கும்.

• குடி வைத்த வீட்டிலே கொள்ளி வைக்கலாமா?

• குடிகாரன் பேச்சு பொழுது விடிந்தால் போச்சு.

• குட்டக்குட்ட குனியாதே..

• குட்டி யானையும் குட்டயக் கலக்கும்.

• குற்றமுள்ள நெஞ்சு குறுகுறு என்னும்.

• குடும்பத்தில் இளையவனும் கூத்தாடியில் கோமாளியும் ஆகாது.

• குட்டி செத்தா குடியா முழுகப்போகுது?

• குட்டுப் பட்டாலும் மோதுகிற கையால் குட்டுப்படவேண்டும்.

• குடியைக் கெடுக்க வந்த கோடாரிக் காம்பு.

• குண்டி கொள்ளாம கோவணம் கட்டுனாப்ல.

• குணத்தை மாற்றக் குருவில்லை.

• குணம் இல்லா வித்தை எல்லாம் அவித்தை.

• குணம் பெரிதேயன்றிக் குலம் பெரியதன்று.

• குதிரை இருப்பு அறியும், கொண்ட பெண்டாட்டி குணம் அறிவாள்.

• குதிரை ஏறாமல் கெட்டது, கடன் கேளாமல் கெட்டது.

• குதிரை குணமறிந்தல்லவோ தம்பிரான் கொம்பு கொடுக்கவில்லை.

• குந்தி இருந்து தின்றால் குன்றும் மாளும்.

• குப்பை உயரும் கோபுரம் தாழும்.

• குப்பையிற் கிடந்தாலும் குன்றிமணி நிறம் போகுமா?

• கும்பிடு கொடுத்துக் கும்பிடு வாங்கு.

• குப்புறவிழுந்தாலும் மீசையில் மண் ஒட்டவில்லை என்றானாம்.

• குமரி ஒற்றையில் போனாலும் கொட்டாவி ஒற்றையில் போகாது.

• குரங்கின் கைப் பூமாலை.

• குரங்கு கையில் பூமாலை கொடுத்தாற் போல....

• குரங்குக்குப் புத்திசொல்லித் தூக்கணாங்குருவி கூண்டு இழந்தது.

• குரங்கிடம் மூத்திரம் கேட்டால் அது கொப்புக்கு கொப்புத் தாவுமாம்.

• குரங்கு சுன்னியை மருந்துக்கு கேட்டால் அது கொம்புக்கு கொம்புக்கு தாவுமாம்!

• குரு இல்லார்க்கு வித்தையுமில்லை முதல் இல்லார்க்கு ஊதியமில்லை.

• குருட்டுக் கண்ணுக்குக் குறுணி மையிட்டுமென்ன?

• குரு மொழி மறந்தோன் திருவழிந்து அழிவான்.

• குருவிக்கேத்த ராமேஸ்வரம்.குரைக்கிற நாய் வேட்டை பிடிக்குமா?

  • இது 'குறி வைக்க ஏற்ற ராம சரம்' என்பதன் திரிந்த வழக்கு

• குரைக்கிற நாய் கடிக்காது; கடிக்கிற நாய் குரைக்காது.

• பணம் பந்தியிலே, குணம் குப்பையிலே

• குலவித்தை கற்றுப் பாதி கல்லாமற் பாதி.

• குல வழக்கம் இடை வழக்கும் கொஞ்சத்தில் தீராது.

• குலத்தைக்கெடுக்கவந்த கோடாலிக்காம்புபோல

• குழந்தையும் தெய்வமும் கொண்டாடும் இடத்திலே.

• குழந்தையை கிள்ளிவிட்டு, தொட்டிலையும் ஆட்டிவிட்டாற் போல....

• குறி வைக்க ஏற்ற ராம சரம்

• குறைந்த வயிற்றிற்கு கொள்ளுமாம் பலாக்காய்

• குறைகுடம் ததும்பும், நிறைகுடம் ததும்பாது.

• குற்றமுள்ள நெஞ்சு குறுகுறு என்கும்.

• குறும்பியுள்ள காது தினவு கொள்ளும்

• குற்றம் பார்க்கின் சுற்றம் இல்லை.

• குந்தித் தின்றால் குன்றும் மாளும்!

• குனிய குனியத்தான் குட்டு விழும்.

• குண்டுமணிக்குத் (குன்றிமணி) தெரியாதாம் தன் குண்டி கருப்பென்று.

• கும்பி எரியுது, மீசைக்கு சம்பங்கி எண்ணெய்யா?

• கும்பி கூழுக்கு அழுததாம், மீசை சம்பங்கி எண்ணெய் கேட்டதாம்.

• கும்பிடபோன தெய்வம் குறுக்கே வந்த மாதிரி........

கூ

• கூடி வாழ்ந்தால் கோடி நன்மை

• கூத்தாடி கிழக்கே பார்த்தான் , கூலிக்காரன் மேற்கே பார்த்தான்.

• கூத்தாடி பெண்ணுக்கு சூதாடி கணவன்

• கூரைமேலே சோறு போட்டால் ஆயிரம் காகம்.

• கூலியைக் குறைக்காதே வேலையைக் கெடுக்காதே?

• கூழுக்கு மாங்காய் கொண்டாட்டம், குரங்குத் தேங்காய் கொண்டாட்டம்.

• கூழுக்கும் ஆசை, மீசைக்கும் ஆசை.

• கூழும் சிந்தல, கோப்பையும் உடையல

• கூழானாலும் குளித்துக் குடி.

• கூலி கால் பணம், சுமை கூலி முக்கால் பணம்.

• கூடாநட்பு கேட்டில் முடியும்.

• கூரை ஏறி கோழி பிடிக்காதவன் வானம் ஏறி வைகுண்டம் போவானா ? (மயில் பிடிப்பானா?)

கெ

• கெடுக்கினும் கல்வி கேடுபடாது

• கெடுமதி கண்ணுக்குத் தோன்றாது

• கெடுவான் கேடு நினைப்பான்

• கெட்டாலும் செட்டி செட்டியே, கிழிந்தாலும் பட்டு பட்டே.

• கெட்டாலும் மேன்மக்கள் மேன்மக்களே, சங்கு சுட்டாலும் வெண்மை தரும்.

• கெட்டிக்காரன் புளுகு எட்டு நாளில் தெரியும்.

• கெட்டிக்காரன் புளுகு எட்டு நாளைக்கு.

• கெட்டும் பட்டணம் சேர்

• கெண்டையைப் போட்டு வராலை இழு.

• கெரடி கற்றவன் இடறி விழுந்தால் அதுவும் ஒரு வித்தை என்பான்.

• கெலிப்பும் தோற்பும் ஒருவர் பங்கல்ல.

கே

• கேடு வரும் பின்னே, மதி கெட்டுவரும் முன்னே.

• கெடுவான் கேடு நினைப்பான்.

• கேட்டதெல்லாம் நம்பாதே! நம்பியதெல்லாம் சொல்லாதே!

• கேட்பார் இல்லாவிட்டால் தம்பி சண்டபிரசண்டனாம்!

• கேழ்வரகில் நெய் வடிகிறதென்றால் கேட்பவனுக்கு மதி வேண்டாவா?

• கேழ்வரகில் நெய் வழிகிறது என்றால், கேட்பவனுக்கு மதி,சுதி எங்கே போனது?

• கேளும் கிளையுங் கெட்டோர்க்கு இல்லை.

• கேள்விப் பேச்சில் பாதிதான் நிசம்.

• கேள்விப் பேச்சு மூளா நெருப்பு

கை

• கைக்கு எட்டினது வாய்க்கு எட்டவில்லை/கைக்கு எட்டியது வாய்க்கு எட்டாததைப்போல

• கைக்கோளனுக்குக் காற்புண்ணும் நாய்க்குத் தலைப்புண்ணும் ஆறா

• கைத் துப்பைக் கொண்டு காரியம் இல்லை; வாய்த் துப்பைக் கொண்டு வாழ வந்தேன்

• கைப்புண்ணுக்குக் கண்ணாடி வேண்டுமா?

  • இது 'கைப்பூணுக்குக் கண்ணாடி வேண்டுமா?' என்பதன் திரிந்த வழக்கு

• கைப்பூணுக்குக் கண்ணாடி வேண்டுமா?கைப்பொருளற்றால் கட்டினவளும் பாராள்

  • கையில் உள்ள பூண் அல்லது காப்பைப் பார்க்கக் கண்ணாடி தேவையில்லை

• கையாளத ஆயுதம் துருப்பிடிக்கும்

• கையிலே காசு வாயிலே தோசை

• கையில் உண்டானால் காத்திருப்பார் ஆயிரம் பேர்.

• கையூன்றிக் கரணம் போடவேண்டும்.

• கையில் பிடிப்பது துளசி மாலை, கக்கத்தில் இடுக்குவது கன்னக்கோலாம்

கொ

• கொக்கென்று நினைத்தாயோ கொங்கணவா?

• கொஞ்சம் கொஞ்சமாக் குடைஞ்சா குடகு மலையையும் குடைஞ்சிடலாம்

• கொடிக்கு காய் கனமா?

• கொடுக்கிறவனைக் கண்டால் வாங்குகிறவனுக்கு இளக்காரம்.

• கொடுங்கோல் அரசு நெடுங்காலம் நில்லாது.

• கொடுங்கோலன் ஆட்சியிலே அம் என்றால் சிறை வாசம், உம் என்றால் வனவாசம்.

• கொடுத்தைக் கேட்டால் அடுத்த தாம் பகை.

• கொட்டினால் தேள், கொட்டாவிட்டால் பிள்ளைப் பூச்சியா?

• கொண்டானும் கொடுத்தானும் ஒன்று,கலியாணத்தைக் கூட்டி வைத்தவன் வேறு.

• கொண்டவன் சரியா இருந்தா கூரெ ஏறிக்கூட சண்டெ போடலாம்

• கொலைக்கு அஞ்சாதவன் பழிக்கு அஞ்சான்.

• கொல்லன் தெருவில் ஊசி விலைபோமா?

• கொல்லைக் காட்டு நரி சலசலப்புக்கு அஞ்சுமா?

• கொழுத்தவனுக்கு கொள்ளு... இளைத்தவனுக்கு எள்ளு!

• கொள்ளிக்கு எதிர்போனாலும், வெள்ளிக்கு எதிர்போகலாகாது.

• கொள்ளும் வரைக்கும் கொண்டாட்டம் , கொண்ட பிறகு திண்டாட்டம் .

• கொற்றவன் தன்னிலும் கற்றவன் மிக்கோன்.

• கொண்டுவந்தால் தந்தை, கொண்டுவந்தாலும் வராவிட்டாலும் தாய்,சீர் கொண்டுவந்தால் சகோதரி,கொலையும் செய்வாள் பத்தினி, உயிர் காப்பான் தோழன்.

• கொன்றால் பாவம், தின்றால் போகும்.

• கொசு அடிக்க கோடரி வேண்டுமா?

கோ

• கோட் சொல்பவைக் கொடுந்தேள் என நினை.

• கோட் சொல்லும் வாய் காற்றுடன் நெருப்பு.

• கோடாலிக்காம்பு குலத்துக்கு ஈனம்

• கோடி வித்தையும் கூழுக்குத்தான்

• கோணிகோடி கொடுப்பதிலும் கோணாமற் காணி கொடுப்பது நல்லது.

• கோத்திரமறிந்து பெண்ணைக்கொடு, பாத்திரமறிந்து பிச்சையிடு.

• கோபம் உள்ள இடத்தில் குணம் உண்டு.

• கோபம் சண்டாளம்.

• கோபுரம் தாண்டுகிற குரங்குக்கு குட்டிச் சுவர் என்ன பிரமாதம்!

• கோபுர தரிசனம் கோடி புண்ணியம்.

• கோயிற் பூனை தேவர்க்கு அஞ்சுமா?

• கோல் உயரக் குடி உயரும்.

• கோழி மிதித்துக் குஞ்சு முடம் ஆகுமா?

• கோளுஞ் சொல்லி கும்பிடுவானேன்?

• கோடானுகோடி கொடுப்பினும் தன்னுடைய நாக்கு கோடாமை கோடி பெறும்

• கோடானுகோடி கொடுத்தாலும் நாவினால் தவறு சொல்லாதது கோடி பெறும்.

• கோடி கொடுப்பினும் குடில் பிறந்தார் தம்மோடு கூடுவதே கோடி பெறும்.

• கோழிக்கு வேலை கூவுறது, கொழுக்கட்டைக்கு வேலை வேகறது

• கோயிலில்லா ஊரிலே குடியிருக்கலாகாது

• கோவிலை கட்டிப்பார், குளத்தை வெட்டிப்பார்.

ச

• சங்கு ஆயிரம் கொண்டு வங்காளம் போனால், பொன்பாளம் வந்தாலும் வரும்; மண்பாளம் வந்தாலும் வரும்!

• சண்டிக் குதிரை நொண்டிச் சாரதி

• சட்டியில் இருந்தால்தானே அகப்பையில் வரும்?

சட்டியில் உணவோ அல்லது சாறோ இருந்தால்தானே அகப்பையில் வரும் என்று பொருளில் சொல்லப்பட்டாலும், உண்மையில் குழந்தைப்பேறு இல்லாதவர்கள் கந்தர் சஷ்டி விரதம் இருந்தால் அகப்பையான கர்ப்பப்பையில் குழந்தை வரும் என்று குறிப்பிட வழங்கப்பட்ட பழமொழி

• சத்தியமே வெல்லும், அசத்தியம் கொல்லும்.

• சனியைப்போல கொடுப்பவனுமில்லை, சனியைப்போல கெடுப்பவனுமில்லை!

• சந்தியிலே அடித்ததற்குச் சாட்சியா?

• சபையிலே நக்கீரன் அரசிலே விற்சேரன்.

• சமத்தி சந்தைக்குப்போனாலாம் வட்டி கிண்ணியாச்சாம்.

• சம்பளம் இல்லாத சேவகனும், கோபமில்லாத எசமானும் சருகைக் கண்டு தணலஞ்சுமா.

• சர்க்கரை என்றால் தித்திக்குமா?

சா

• சாகத் துணிந்தவனுக்கு சமுத்திரம் முழங்கால் அளவு.

• சாகிறவரைக்குவஞ் சங்கடமானால் வாழுகிறது எக்காலம்?

• சாகிறவரையில் வைத்தியன் விடான், செத்தாலும் விடான் பஞ்சாங்கக்காரன்.

• சாட்சிக்காரன் காலில் விழுவதிலும் சண்டைக்காரன் காலில் விழலாம்.

• சாட்டை இல்லாப் பம்பரம் ஆட்டிவைக்க வல்லவன்.

• சாது மிரண்டால் காடு கொள்ளாது.

• சாத்திரம் பாராத வீடும் சமுத்திரம் பார்த்த வீடும் தரித்திரம்.

• சாத்திரம் பொய் என்றால் கிரகணத்தைப் பார்.

• சாப்பிள்ளை பெற்றாலும் மருத்துவச்சிக் கூலி தப்பாது.

• சாகத்துணிந்தவனுக்கு வெள்ளம் தலை மேல் சாண் பொனாலென்ன? முழம் போனாலென்ன?

• சாண் பிள்ளையானாலும்,ஆண் பிள்ளை.

• சாண் ஏற முழம் சறுக்குகிறது.

சி

• சிங்காரக்கொண்டையாம் தாழம்பூவாம் அதனுள்ளே இருக்குமாம் ஈறும் பேனும்.

• சித்தன் போக்கே சிவன் போக்கு.

• சித்திரமும் கைப்பழக்கம் செந்தமிழும் நாப்பழக்கம்.

• சித்திரை மாதத்து உழவு... பத்தரை மாற்றுத் தங்கம்

• சித்திரையில் செல்வ மழை.

• சின்ன மீனைப் போட்டுப் பெரிய மீனைப் பிடி.

• சின்ன நாய எறண்டுவானேன் செருப்படி வாங்குவானேன்.

• சிரிக்கிற பெண்ணையும், அழுகிற ஆணையும் நம்பாதே!

• சிரைத்தாலும் தலையெழுத்து அழியாது/போகாது!

• சிவபூசையில் கரடி புகுந்தாற் போல!

• சிறியோரெல்லாம் சிறியோரல்ல, பெரியோரெல்லாம் பெரியோருமல்ல.

• சிறுதுளி பெரு வெள்ளம்.

• சிறுதுரும்பும் பல் குத்த உதவும்.

• சிறுக சேர்த்து (கட்டி) பெருக வாழ்.

சு

• சுக துக்கம் சுழல் சக்கரம்.

• சுக்குக்கு மிஞ்சிய வைத்தியமில்லை,சுப்பிரமணியனுக்கு மிஞ்சிய தெய்வமுமில்லை!

• சுடர் விளக்காயினும் தூண்டுகோல் ஒன்று வேண்டும்.

• சுட்ட சட்டி அறியுமா சுவை.

• சுட்ட மண்ணும் பச்சை மண்ணும் ஒட்டுமா?

• சுண்டைக்காய் காற்பணம் சுமை கூலி முக்காற்பணம்.

• சுத்தம் சோறு போடும் எச்சில் இரக்க வைக்கும்.

• சுத்த வீரனுக்கு உயிர் துரும்பு.

• சும்மா வந்த மாட்டை பல்லைப் பிடித்தப் பாராதே

• சும்மா கொடுத்த மாட்டை பல்லை பிடித்து பதம் பார்த்தானாம்.

• சும்மா இருக்கிற தம்பிரானுக்கு இரண்டு பட்டை.

• சும்மா கிடக்கிற சங்கை ஊதிக்கெடுத்தான் ஆண்டி. (சும்மா கிடக்குற சங்க ஊதி கெடுத்தானாம் பண்டாரி)

• சும்மா மெல்லும் வாய்க்கு அவல் கிடைத்தாற் போல.......

• சுயபுத்தி போனாலும் சொற்புத்தி வேண்டாமா?

• சுவர் இருந்தாதானெ சித்திரம் வரெய முடியும்.

• சுவரை வைத்துதான் சித்திரம் வரையவேண்டும்.

சூ

• சுவாமி வரங் கொடுத்தாலும் பூசாரி இடங்கொடுக்க மாட்டான்.(வரம் கொடுக்க மாட்டான்)

• சூடு கண்ட பூனை அடுப்படிக்கு செல்லாது.

• சூடு மண்ட பூனை பாலை குடிக்காது.

• சூதும் வாதும் வேதனை செய்யும்.

செ

• செக்களவு பொன்னிருந்தாலும் செதுக்கியுண்டால் எத்தனை நாளுக்குக் காணும்.?

• செடியிலே வணங்காததா மரத்திலே வணங்கும்?

• செட்டி மிடுக்கோ சரக்கு மிடுக்கோ?

• செட்டியார் வாழ்வு செத்தால் தெரியும்.

• செத்தவன் உடைமை இருந்தவனுக்கு அடைக்கலம்.

• செத்த அன்றைக்கு வா என்றால் பத்து அன்றைக்கு வந்தானாம்.

• செத்தும் கொடுத்தான் சீதக்காதி.

• செய்வன திருந்தச் செய்.

• செருப்பின் அருமை வெயிலில் தெரியும், நெருப்பின் அருமை குளிரில் தெரியும்.

• செருப்புக்காகக் காலைத் தறிக்கிறதா?

• செருப்புக்கேற்றபடி காலை வெட்டுவரா?

• செல்லமுத்துன வாழக்காய் புளியில்லாம அவிஞ்சுச்சாம்.

• செல்லுமிடம் சினம் காக்க.

• செலவில்லாச் செலவு வந்தால் களவில்லாக் களவு வரும்.

• சென்ற இடம் எல்லாம் சிறப்பே கல்வி.

• செவிடன் காதில் சங்கு ஊதினால் போல!

• செய்தவன் மனம் குன்றினால் ஐவினைப் பயனும் கெடும்.

• செய்யும் தொழிலே தெய்வம்.

• சேராத இடத்திலே சேர்ந்தால் துன்பம் வரும்.

சே

• சேலையில் முள் விழுந்தாலும் முள்ளில் சேலை விழுந்தாலும் சேதம் சேலைக்குத்தான்.

• சேலை கட்டிய மாதரை நம்பாதே !

• சேற்றிலே புதைந்த யானையைக் காக்கையுங் கொத்தும்.

• சேற்றிலே செந்தாமரை போல.

சை

• சைகை அறியாதவன் சற்றும் அறியான்.

சொ

• சொந்தக் காசில் சூனியம் வெச்சிக்கறது போல.

• தவறு என்று நன்குத் தெரிந்தாலும், தனக்கு தனிப்பட்ட உபயோகம் ஒன்றுமில்லை என்றுத் தெரிந்தும் ஒரு காரியத்தைச் செய்ய முற்பட்டு தேவையற்ற/வீணான ஆபத்து, வம்பு தும்பு, சண்டை, சச்சரவு அகியவைகளில் சிக்கித் தவிப்பதைக் குறிக்கும் பழமொழி...

• சொத்து பெரிசில்ல சொல்லுதான் பெரிசு

• சொப்பனங் கண்ட அரிசி சோற்றுக்காகுமா?

• சொல் அம்போ வில் அம்போ?

• சொல்லாது பிறவாது அள்ளாது குறையாது.

• சொல்லாமற் செய்வார் நல்லோர் சொல்லியுஞ் செய்யார் கசடர்.

• சொல்லிப் போகவேணும் சுகத்திற்கு, சொல்லாமற் போகவேணும் துக்கத்திற்கு.

• சொல்லுகிறவனுக்கு வாய்ச்சொல் , செய்கிறவனுக்கு தலைச்சுமை.

• சொல்வல்லவனை வெல்லல் அரிது.

• சொறிந்து தேய்க்காத எண்ணெயும் பரிந்து இடாத சோறும் பாழ்.

• சொற்கோளாப் பிள்ளையினால் குலத்துக்கீனம்.

• சொன்னதைச் சொல்லும் கிளிப்பிள்ளை.

சோ

• சோம்பலே சோறு இன்மைக்குப் பிதா.

• சோம்பேறிக்கு வாழைப்பழம் தோலோடே..

• சோறு கண்ட எடம் சொர்க்கம் திண்ண கண்ட எடம் தூக்கம்.

• சோற்றுக்குக் கேடு பூமிக்குப் பாரம்.

• சோழியன் குடுமி சும்மா ஆடாது!

த

• தங்க ஊசி என்பதற்காக கண்ணைக் குத்திக்கொள்வரா?

• தங்கம் தரையிலே தவிடு பானையிலே.

• தங்கக்குடத்திற்கு சந்தனமென்ன? பொட்டென்ன?

• ஏற்கனவே மிகச்சிறந்த விடயங்களுக்கு, அலங்காரம் தேவையில்லை என்னும் பொருள்...

• தஞ்சம் என்று வந்தவனை வஞ்சித்தல் ஆகாது.

• தடி எடுத்தவன் தண்டல்காரனா ?

• தட்டத் தட்ட தட்டான், படிக்க படிக்க வாத்தியாரு.

• தட்டானுக்குப் பயந்தல்லவோ பரமசிவனும் அணிந்தான் சர்ப்பத்தையே.

• தட்டாரத் தம்பியிலும் நல்ல தம்பி உண்டோ ?

• தட்டிப்பேச ஆள் இல்லாவிட்டால் தம்பி சண்டப் பிரசண்டன்.

• தணிந்த வில்லுத்தான் தைக்கும்.

• தண்ணீரிலே விளைந்த உப்புத் தண்ணீரிலே கரைய வேண்டும்.

• தண்ணீரையும் தாயையும் பழிக்காதே.

• தண்ணீர் வெந்நீர் ஆனாலும் நெருப்பை அணைக்கும் .

• தந்தை எவ்வழி புதல்வன் அவ்வழி.

• தந்தையோடு கல்விபோம்; தாயோடு அறுசுவை உண்டிபோம்.(பெற்றோர் தரும் கல்வியும், உணவுமே சிறந்தவை)

• தந்தை சொல் மிக்கதொரு மந்திரமில்லை. (அப்பா கூறும் அறிவுரைகளே, அறங்களில் உயர்ந்தவை ஆகும்.)

• தம்பி உடையான் படைக்கு அஞ்சான்.

• தரித்திரனுக்கு பவிசு (வாழ்வு) வந்தால் அர்த்த இராத்திரியில் குடை பிடிப்பான்.

• தருமம் தலைகாக்கும்.

• தலை இடியும் காய்ச்சலும் தனக்கு வந்தால் தெரியும்.

• தலை இருக்க வால் ஆடலாமா ?

• தலையைப் பார்த்து கல்லைப் போடு!

• கல் என்பது தோசைக்கல்லைக் குறிக்கும்..தலை என்பது ஆள்/நபர்...சாப்பிட ஆள் இருந்தால் மட்டுமே கல்லைப் போட்டு தோசை சுடு அதாவது தேவை/அவசியம் இல்லாமல் செலவு செய்யாதே என்னும் பொருள்...

• தலைக்கு மேல் வெள்ளம் சாண் ஓடி என்ன, முழம் ஓடி என்ன ?

• தலை எழுத்தை தந்திரத்தால் வெல்லலாமா?

• தலெ எழுத்து தலெய செரச்சா போவுமா?

• தலை தப்பியது, தம்பிரான் புண்ணியம்!

• தலையாரியும் அதிகாரியும் ஒன்றானால் சம்மதித்தபடி திருடலாம்.

• தலைக்கு மிஞ்சினால்தான் தானமும், தருமமும்.

• தலைவலி போய் திருகுவலி வந்ததாம்!

• ஒரு பிரச்சினையை மிகுந்த சிரமப்பட்டு போக்கிக்கொள்ளும்போது நம்மை அறியாமலேலே மற்றொரு பெரிய பிரச்சினையை எதிர்கொள்ளவேண்டிய சூழ்நிலை வரும்போது பயன்படுத்தப்படும் பழமொழி...ஒரு பிரச்சினையை வெகு எச்சரிக்கையாக பின்/எதிர் விளைவுகளை யோசித்துக் கையாளவேண்டும் என்பதை உணர்த்தும்...

• தனக்கு மிஞ்சியது தான் தானமும் தருமமும்.

• தவத்துக்கு ஒருவர் கல்விக்கு இருவர்.

• தவளை தன் வாயாற் கெடும்.

• தவிட்டுக்கு வந்த கை தங்கத்துக்கும் வரும்

• தன் பலம் கண்டு அம்பலம் ஏற வேண்டும்!

• தன் வினை தன்னைச் சுடும் !

• தன்னூர் கிழக்கே, தங்கினவூர் மேற்கே, வேண்டாம் தெற்கும், வடக்கும்.

• ஒருவர் தூங்கும்போது எந்தத் திசையில் தலையை வைத்துத் தூங்கவேண்டும் என்பதைக் குறிப்பிடுகிறது...

• தலகாணி மந்திரம் குடியைக் கெடுக்கும்.

• தனக்கு தனக்கு என்றால் புடுக்கும் களை வெட்டுமாம்!!

• தனக்கு தவிடு இடிக்க மாட்டான், வூருக்கு இரும்பிடிப்பான்.

• தனக்கு வந்தால்தான் தெரியும் தலைவலியும், திருகுவலியும்.

• தன் நாற்றமும் பெண்டாட்டி நாற்றமும் தெரியாது!

• தன்னைக் கொல்ல வந்த பசுவையும் கொல்(லு)!

• தாயில் சிறந்த கோயில் இல்லை.

தா

• தாட்சண்யம் தன நாசம்.

• தாண்டி குதிக்குமாம் மீனு. தயாரா இருக்குமாம் எண்ணெய் சட்டி!

• தாயும், மகளுமே யானாலும் வாயும் வயிறும் வேறு, வேறுதான்!

• என்னதான் நெருக்கமாகவும், அன்னியோன்னியமாகவும் இருந்தாலும் அவரவர் தேவைகள் வேறுவேறானவை/ மாறுபட்டவை...ஒருவர் தன்பசிக்கு உணவு உண்டால் மற்றவர் வயிறு நிறைந்து அவர் பசி அடங்காது என்றுப்பொருள்...

• தாய் எட்டடி பாய்ந்தால் குட்டி பதினாறு அடி பாயும்.

• தாய்க்குப்பின் தாரம்.

• தாய்வீடு ஓடிய பெண்ணும் பேயோடு ஓடிய கூத்தும் ஒன்று.

• தாயில்லா தகப்பன் தாயாதி.

• தாயை இழந்த பிள்ளைகளுக்கு தகப்பன் இருந்தும் பயனில்லை...அவன் பட்டும் படாமலிருக்கும் தாயாதிகளைப் போன்றவனே!...ஒரு தாயைப்போல ஊணூட்டி, தேவைகளைக் கவனித்து நிறைவேற்றி, அவர்கள்பால் அம்மாவைப்போல அக்கறையும், அன்பும், ஆதரவும், கவனமும் கொண்டவனாக இருக்கமாட்டான் என்பதே இப்பழமொழி சொல்லும் உண்மையாகும்

• தாயிற் சிறந்ததோர் கோவிலுமில்லை. (அம்மாவை விட, சிறந்த தெய்வம் எங்கும் இல்லை)

• தாயைப் பார்த்து பெண்ணை கொள்.

• தாயைப் போல பிள்ளை, நூலைப் போல சேலை.

• தாயோடு அறுசுவை உணவு போம்.

• தார் புறப்பட்டு தாய் வாழைய கெடுத்தாப்ல.

• தாராளம் தண்ணி பட்டபாடு நீராரம் நெய் பட்டபாடு.

• தாழ்ந்து நின்றார் வாழ்ந்து நிற்பார்.

• தான் ஆடாவிட்டாலும் தன் சதை ஆடும்.

• தான் ஒன்று நினைக்கத் தெய்வம் ஒன்று நினைக்கும்.

• தான் சாகணும் சுடுகாடு பார்க்கணும்.

• தான் பிடித்த முயலுக்கு மூன்றே கால்கள் என்பான்!

• தன் வூட்டு நெருப்புன்னு முத்தம் கொடுக்க முடியுமா?

• தானத்தில் சிறந்தது நிதானம்.

• தானா பழுக்குறத தடி கொண்து அடிக்கணுமா?

• தானே கனியாதக் காயைத் தடிக்கொண்டு அடித்தாலா கனியும்?

• தானம் கொடுத்த மாட்ட பல்லப்புடுச்சு பதம் பாத்த கதெயா.

• தானிருக்கும் அழகுக்குத் தடவிக்கொண்டாளாம் வேப்பெண்ணெய்.

தி

• திக்கற்றவர்களுக்குத் தெய்வமே துணை

• திருவாசகத்துக்கு உருகாதார் ஒரு வாசகத்துக்கும் உருகார்!

• திருவாரூரு தேவடியாள் தேர்ந்த கைக்காரி, பாலில்லாம புள்ளை வளர்ப்பாள் பலே கைக்காரி!

• திரைக்கடல் ஓடியும் திரவியம் தேடு (சேர்)

• திருப்பதியில் மொட்டையனைத் தேடினாற்போல....

• திருடனுக்கு தேள் கொட்டினாற் போல...

• திருடனுக்கு இருட்டு உதவுவதைப் போல...

• திண்ணைத்தூங்கி முண்டத்துக்கு பன்னீர்கண்ட மீசையாம்!

• தில்லிக்கு ராஜாவானாலும் தாய்க்கு பிள்ளைதான்.

• தின்ன மனசு தேடுமாம், உண்ண உடம்பு உருகுமாம்.

• தேளுக்கு இடம் கொடுத்தால் நொடிக்கு நொடி கொட்டுமாம்!..

• தேளுக்கு மானியம் கொடுத்தா நொடிக்கு நூறுதடவ கொட்டுமாம்.

தீ

• தீட்டிய மரத்திலேயே கூர் பார்ப்பதைப்போல!

• தீதும் நண்றும் பிறர் தற வாரா

து

• துடைப்பக் கட்டைக்குப் பட்டுக் குஞ்சமா?

• துட்டு வந்து பொட்டியிலே விழுந்ததோ , திட்டு வந்து பொட்டியிலே விழுந்ததோ?

• துட்டனைக் கண்டால் தூர விலகு...

• துணிகிறவருக்கு வெட்கம் இல்லை; அழுகிறவருக்கு துக்கம் இல்லை.

• துணியாதே , படபடப்பாகச் செய்யாதே.

• துரும்பும் பல் குத்த உதவும்.

• துறவிக்கு வேந்தனும் துரும்பு.

தூ

• தூண்டிக்காரனுக்கு தக்க மேல கண்ணு.

• தூய மனதை திடுக்கிட வைத்தால் ஐயம் இல்லாமல் அனைத்தும் வரும்.

தெ

• தென்னை மரத்தில் தேள் கொட்டினால் பனை மரத்தில் நெறி கட்டுமா? (கட்டியதாம்)

• தெரியாத தேவதைக்கு தெரிந்த பிசாசே மேல்

தே

• தேங்கா தின்னது ஒருத்தன் தெண்டங் கட்டனது ஒருத்தன்.

• தேன் எடுத்தவன் புறங்கையை நக்குவான்.

• தேனெடுக்றது ஒருத்தன் பொறங்கைய நக்றது ஒருத்தன்.

• தேளுக்கு கொடுக்கில் விஷம் தேவடியாளுக்கு உடம்பு பூராவும் விஷம்,

தை

• தை பிறந்தால் வழி பிறக்கும்.

• தை மாதம் தரையும் குளிரும்.

• தை மாதம் போட்ட விதை தண்ணீரில்லாமல் வளரும்.

தொ

• தொட்டில் பழக்கம் சுடுகாடு மட்டும்.

தோ

• தோடு தொலஞ்சா தேடமாட்டங்க, சொரை தொலைஞ்சா தேடுவாங்க.

• தோண்டக்குறுணி துக்க முக்குறுணி.

ந

• நகத்தாலே கிள்ளுகிறதைக் கோடாரி கொண்டு வெட்டுகிறான்.

• நக்குமங்கலம் நக்கி நாறமங்கலம் குடி போனாளாம்..

• நடக்க அறியாதவனுக்கு நடுவீதி காத வழி.

• நடந்தவன் காலிலே சீதேவி, இருந்தவன் காலிலே மூதேவி

• நடந்தால் நாடும் உறவாகும், படுத்தால் பாயும் பகையாகும்.

• நடந்தால் நாடெல்லாம் உறவு , படுத்தால் பாயும் பகை.

• நட்டுவன் பிள்ளைக்குக் கொட்டிக் காட்ட வேண்டுமா !

• நண்டு கொழுத்தால் வளையில் இராது, தண்டு கொழுத்தால் தரையில் இராது.

• நத்தையின் வயிற்றிலும் முத்துப் பிறக்கும்.

• நம்ம ஊட்டு வெளக்குன்னு முத்தம் கொடுக்க முடியுமா?

• நம்புறவனுக்கு மகராசா நம்பாதவனுக்கு எமராசா.

• நமக்கு ஆகாததது நஞ்சோடு ஒக்கும்.

• நமனுக்கு நாலு பிள்ளை கொடுத்தாலும் உற்றாருக்கு ஒரு பிள்ளை கொடுக்கமாட்டான்.

• நமன் அறியாத உயிரும் நாரை அறியாத குளமும் உண்டோ?

• நமைச்சல் எடுத்தவன்தான் சொரிந்துக்கொள்ள வேண்டும்!

• நயத்திலாகிறது பயத்திலாகாது.

• நரம்பில்லாத நாக்கு நாலும் பேசும்.

• நரிக்கு இடங்கொடுத்தால் கிடைக்கு இரண்டு ஆடு கேட்டும்.

• நரி எடம் போனா என்ன வலம் போனா என்ன நம்ம மெலெ விழுந்து புடுங்காம இருந்தா சரி.

• நரிக்கு கொண்டாட்டம் நண்டுக்குத் திண்டாட்டம்.

• நரை திரை இல்லை, நமனும் அங்கில்லை.

• நல் இணக்க மல்லது அல்லற் படுத்தும்.

• நல்லது செய்து நடுவழியே போனால், பொல்லாதது போகிற வழியே போகிறது.

• நல்ல வேளையில் நாழிப்பால் கறவாதது கன்று செத்துக் கலப் பால் கறக்குமா ?

• நல்லவன் என்று பெயர் எடுக்க நெடுநாட் செல்லும்.

• நல்லவன் ஒரு நாள் நடுவே நின்றால் அறாத வழக்கும் அறும்.

• நல்லவனா கெட்டவனா என்பது செத்தால்தான் தெரியும்.

• நல்லா கீது உந்நாயம், மண்டைலகீது காயம்.

• நல்லார் பொல்லாரை நடக்தையால் அறியலாம்.

• நல்ல மாட்டுக்கு ஒரு அடி, நல்ல மனிதனுக்கு ஒரு சொல்(லு).

• நல்ல மாட்டிற்கு ஒரு சூடு, நல்ல மனிதனுக்கு ஒரு வார்த்தை.

• நதி மூலமும் ரிஷி மூலமும் ஆராயாதே.

• நம்பினார் கெடுவதில்லை ஆண்டவனை.

• நன்மை கடைபிடி.

நா

• நா அசைய நாடு அசையும்.

• நாக்க தாண்டினா நரகல்.

• நாக்கிலே இருக்கிறது நன்மையும் தீமையும்.

• நாடறிந்த பார்ப்பானுக்கு பூணூல் அவசியமா ?

• நாம் ஒன்று நினைக்க , தெய்வம் ஒன்று நினைக்கும்.

• நாயைக் கண்டால் கல்லை காணோம், கல்லைக் கண்டால் நாயை காணோம்.

• நாய் இருக்கிற சண்டை உண்டு.

• நாய்க்கு வேலையில்லை நிற்க நேரமும் இல்லை.

• நாய் விற்ற காசு குரைக்குமா?

• நாய ஏவுனா அது தான் வாலை ஏவுது.

• நாவால் பிறக்கும் நன்மையும் தீமையும்.

• நாலாயிரம் இல்லையெனில் நம் பெருமான் இல்லை.

• வைணவச் சமயத்தினருக்கு நாலாயிர திவ்விய பிரபந்தம் என்னும் நூல் எவ்வளவு புனிதமான, முக்கியமான நூல் என்பதைத் தெரிவிக்கும் மொழி...நம்பெருமான் என்பது திருவரங்கத்தில் கோவில்கொண்டுள்ள, வைணவக்கடவுளான அரங்கனாதனைக் குறிக்கும்...திருவரங்கத்து அரங்கனாதனின் கோவிலே, வைணவர்களின் எல்லாக் கோயில்களிலும் முதலாவதாகும்...

• நாலாறு கூடினால் பாலாறு.

• நாளுக்குநாளு நகர்ந்ததடி அம்மா (டி). சொலவடை

• நாள் செய்வது நல்லார் செய்யார்.

• நரம்பில்லா நாக்கு நாலும் பேசும்.

• நாரதர் கலகம் நன்மையில் முடியும்.

• நாற்பது வயதுக்குமேல் நாய் குணம்.

• நாலும் இரண்டும் சொல்லுக்குறுதி.

• நாலு பேர் கூடற எடத்துல நல்ல வெளக்கு, விடிய விடிய இலுப்ப வெளக்கு.

• நாமொன்று நினைக்க தெய்வமொன்று நினைக்கும்.

• நாதியற்ற கோவிலுக்கு நீதியற்ற பூசாரி.

• நான்கு பிள்ளை பெற்றவருக்கு நடுத்தெருவில் சோறு, ஒரு பிள்ளை பெற்றவருக்கு உறியில் சோறு.

நி

• நித்தம் போனால் முத்தம் சலிக்கும்.

• நித்திய கண்டம் பூரண ஆயுசு.

• நித்தியங் கிடைக்குமா அமாவாசை சோறு?

• நித்திரை சுகம் அறியாது.

• நிலத்தில் எழுந்த பூண்டு நிலத்தில் மடிய வேண்டும்.

• நிழலின் அருமை வெயிலிற் போனால் தெரியும்.

• நிறை குடம் நீர் ததும்பாது. குறைகுடம் கூத்தாடும்.

• நின்ற வரையில் நெடுஞ் சுவர், விழுந்த அன்று குட்டிச்சுவர்.

நீ

• நீ எதனால் அளக்கின்றாயோ அதனால் நீ அளக்கப்படுவாய்!

• நீந்த மாட்டாதவனை ஆறுகொண்டு போம்.

• நீர் ஆழம் கண்டாலும் நெஞ்சு ஆழம் காண முடியாது.

• நீர் உள்ள மட்டும் மீன் குஞ்சு துள்ளும்.

• நீர் மேல் எழுத்து போல்.

• நீரடிச்சு நீர் வெலகுமா?

• நீரானாலும் மோர், பேயானாலும் தாய்.

• நீரில்லா நெற்றி பாழ்.

• நீலிக்குக் கண்ணீர் இமையிலே.

• நீள நீளத் தெரியும் மெய்யும் பொய்யும்.

நு

• நுங்கு குடிச்சவன் ஓடிப்பொயிட்டானாம், குதம்பைய கடிச்சவன் மாட்டிக்கிட்டானாம்.

• நுனிக்கொம்பில் ஏறி அடிக்கொம்பு வெட்டுவார்களா?

• நுணலும் தன் வாயால் கெடும்.

நூ

• நூல் கற்றவனே மேலவன்.

• நூலளவே யாகுமாம் நுண்ணறிவு.

• நூற்றுக் மேல் ஊற்று, ஆயிரத்துக்கு மேல் ஆற்றுப் பெருக்கு.

• நூற்றைக் கொடுத்தது குறுணி.

நெ

• நெய் முந்தியோ திரி முந்தியோ.

• நெய்யை உருக்கியுண், நீரைச்சுருக்கியுண், மோரைப்பெருக்கியுண்.

• நெய்யை உருக்கு, தயிரை பெருக்கு, உண்டியை சுருக்கு.

• நெருப்பின்மீது ஈ மொய்க்குமா?

• நெருப்பில்லாமல் புகையாது!

• நெருப்பில்லாம பொகயுமா?

• நெருப்பு இல்லாமல் நீள் புகை எழும்புமா?

• நெருப்பு என்றால் வாய்வெந்து போமா?

• நெருப்புப் பந்திலிலே மெழுகுப் பதுமை ஆடுமோ?

• நெல்லுக்குப் பாய்கிற தண்ணீர் புல்லுக்கும் பாயும்.

• நேற்று உள்ளார் இன்று இல்லை.

நை

• நைடதம் புலவர்க்கு ஒளடதம்.

நொ

• நொண்டிக் குதிரைக்குச் சறுக்கினது சாக்கு.

• நொறுங்கத் தின்றால் நூறு வயது.

நோ

• நோயற்ற வாழ்வே குறைவற்ற செல்வம்.

• நோய் கொண்டார் பேய் கொண்டார்.

• நோய்க்கு இடம் கொடேல்.

ப

• பகைவர் பகலில் பக்கம் பார்த்துப் பேசு இரவில் அதுதானும் பேசாதே.

• பகுத்தறியாமல் உறவு புகை எழு நெருப்பு.

• பக்கச் சொல் பதினாயிரம்.

• பசியுள்ளவன் ருசி அறியான்.

• பசி வந்திடில் பத்தும் பறந்துபோம்

• பசித்தபின் புசி.

• பசுவிலும் ஏழை இல்லை பார்ப்பாரிலும் ஏழையில்லை.

• பச்சை மண்ணும் சுட்டமண்ணும் ஒட்டுமா?

• பஞ்சும் நெருப்பும் ஒன்றாய்க் கிடக்குமோ?

• படிப்பது திருவாசகம் இடிப்பது சிவன் கோவில்.

• படிக்கிறது திருவாய் மொழி இடிக்கிறது பெருமாள் கோயில்.

• படிப்பது பாகவதம், இடிப்பது பெருமாள் கோயில்.

• தன் சொல்லுக்கும், செயலுக்கும் சம்பந்தமில்லாமல் செயல்படுவோரைக் குறித்துச் சொல்லப்படுவது...எப்படி வைணவர்களுக்குப் புனித நூலான பாகவதத்தைப் போற்றிப் படிப்பவர், அதே வைணவக்கோவிலை (பெருமாள்) இடித்து அழிக்க முற்படுவதைப்போல என்னும் பொருளில் பயனாகிறது...

• படிக்குற வரைக்கும் புள்ள பயிறு பயிறுன்னாச்சாம்; படிச்சபெறவு பசறு பசறுன்னுச்சாம்.

• படைக்கும் ஒருவன் கொடைக்கும் ஒருவன்.

• படையிருந்தால் அரணில்லை.

• படை முகத்திலும் அறிமுகம் வேண்டும்.

• பட்ட காலிலே படும் கெட்ட குடியே கெடும். (Misery loves company)

• பட்டவருக்கு பலன் உண்டு; பதவியும் உண்டு!

• பட்டாலும் மோதிரக் கையால் குட்டுப்பட வேண்டும்.

• பட்டால் தெரியும் பட்ட வலி.

• பட்டா உன்பேரில் சாகுபடி என்பேரில்.

• பட்டுக்கோட்டைக்கு வழி கேட்டால், கொட்டைப் பாக்கு விலை சொல்லுகின்றாய்.

• பட்டுக்கோட்டைக்கு வழி கேட்டா, கொட்டைப் பாக்கு என்ன வெலைங்றான்.

• பட்டும் பட்டாடையும் பெட்டியிலிருக்கும், காற்காசு கந்தையில் ஓடி உலாவும்.

• பட்டிக்காட்டான் மிட்டாய் கடையை முறைத்தாற் போல.

• பணக்காரன் பின்னும் பத்துப்பேர், பைத்தியக்காரன் பின்னும் பத்துப்பேர்.

• பணத்தைப் பார்க்கிறதா பழைமையைப் பார்க்கிறதா?

• பணம் என்ன செய்யும் பத்தும் செய்யும்.

• பணக்காரன் பின்னும் பத்துப்பேர், பைத்தியக்காரன் பின்னும் பத்துபேர்.

• பணம் உண்டானால் மணம் உண்டு.

• பணம் பந்தியிலே குணம் குப்பையிலே.

• பணம் என்றால் பிணமும் வாய் திறக்கும்.

• பணம் பாதாளம் மட்டும் பாயும்.

• பண்ணப் பண்ணப் பலவிதம் ஆகும்

• பண்ணிய பயிரிலே புண்ணியம் தெரியும்.

• பண்டிதன் மகன் பரம சூனியம்.

• பண்டம் ஒரிடம் பழி பத்திடம்.

• பதறாத காரியம் சிதறாது.

• பதறிய காரியம் சிதறும் (Haste is waste)

• பத்து மிளகு இருந்தால் பகைவன் வீட்டிலும் உண்ணலாம்.

• பந்திக்கில்லாத வாழைக்காய் பந்தலிலே கட்டித் தொங்குகிறது.

• பந்திக்கு முந்தி,படைக்கு பிந்தி

• பல்லு போனா சொல்லு போச்சு.

• பத்துப்பேருக்குப் பல்குச்சி ஒருவனுக்குத் தலைச்சுமை.

• பரட்டை பால் வார்க்கும், சுருட்டை சோறு போடும்.

• பரணியிலே பிறந்தால் தரணி ஆளலாம்.

• பரிசாரகன் நம்மாள் ஆனால், எங்கு உட்கார்ந்தால் என்ன?

• பருத்திக்கு உழும் முன்னே தம்பிக்கு எட்டு முழம்.

• பலநாளைத் திருடன் ஒரு நாளைக்கு அகப்படுவான்.

• பல மரம் கண்ட தச்சன் ஒரு மரமும் வெட்டமாட்டான்.

• பலநாள் திருடன் ஒரு நாள் அகப்படுவான்.

• பல்லக்கு ஏற யோகம் உண்டு உன்னி ஏறச் சீவன் இல்லை.

• பழகப் பழகப் பாலும் புளிக்கும். (Familiarity breeds contempt)

• பழி ஒரு பக்கம் பாவம் ஒரு பக்கம்.

• பழுத்த ஒலையைப் பார்த்துக் குருத்தோலை சிரிக்கிறதாம்.

• பழுத்த பழம் கொம்பிலே நிற்குமா?

• பழம் பழுத்தால் , கொம்பிலே தங்காது.

• பழுத்த மரம்தான் கல்லடி படும்.

• பழம் நழுவிப்பாலில் விழுந்தாற்போல!

• பள்ளிக் கணக்குப் புள்ளிக்கு வொதவாது.

• பனங்காட்டு நரி சலசலப்புக்கு அஞ்சுமா?

• பனி பெய்து குளம் நிரம்பாது.

• பனி பெய்தால் மழை இல்லை, பழம் இருந்தால் பூ இல்லை.

• பனை நிழலும் நிழலோ, பகைவர் உறவும் உறவோ?

• பனை மரத்தின் கீழே பாலைக் குடித்தாலும் கள் என்று நினைப்பர்.

• பனை மர நிழலும் சரி, மறப்பய உறவும் சரி.

• பனை மரத்து நிழல்ல பாய விரிச்சு படுத்த மாதிரி பாடா படுத்துது! நிழலும் ஒரு அடி. நிம்மதியும் அதுக்குள்ளே.

• பன்றிக்குப் பின்னால் போகிற கன்றும் கெடும்.

• பன்றியோடு சேர்ந்த கன்றும் மலம் தின்னுமாம்.

• பன்றி பல குட்டி சிங்கம் ஒரு குட்டி.

• பக்கத்து வீட்டு சாம்பாருக்கு ருசி அதிகம்.

• பகலில் பசுமாடே கண்ணுக்குத் தெரியாது, இரவில் எருமைமாடா தெரியப்போகிறது?

பா

• பாக்க ஒரு தரம் கும்புட ஒரு தரமா?

• பாட்டி சொல்லைத் தட்டாதே.

• பாண்சேரிப் பற்கிளக்கு மாறு (பண்டைத் தமிழ்நாட்டில் இசைத்தமிழைச் சிறப்பாய் வளர்த்துவந்தவர் பறையருள், ஒரு பிரிவினரான பாணரே.)

• பாத்திரமறிந்து பிச்சை இடு, கோத்திரமறிந்து பெண்ணை எடு.

• பாம்பாட்டிக்குப் பாம்பிலே சாவு, கள்ளனுக்கு களவிலே சாவு .

• பாம்பின் கால் பாம்பறியும்.

• பாம்பும் சாகக் கூடாது கம்பும் உடையக் கூடாது.

• பாம்பு தின்கிற ஊர் போனால், நடுமுறி தமக்கு என்று இருக்க வேண்டும்!

• பாம்பு தின்ற ஊருக்குப்போனா நடுக்கண்டம் நம்ப கண்டம்.

• பாம்பு என்று அடிக்கவும் முடியாது, பழுதை என்று தாண்டவும் முடியாது.

• பாம்பு கடிச்சுதா? பயம் கடிச்சுதா?

• பாம்பு கடித்தால் பத்து நிமிஷம், அரணை கடித்தால் அரை நிமிஷம்.

• பாம்பு என்றால் படையும் நடுங்கும்.

• பாரியாள் ரூபவதியானால் தன் சத்துரு.

• பாலுக்கும் காவல் பூனைக்கும் தோழன்.

• பாலூட்டி வளர்த்தாலும் பாம்பின் குணம் மாறுமா?

• பாலைக் குடித்ததுமட்டு மல்லாமல் பூனை பானையை வேறுடைத்ததாம்!

• பானை பிடித்தவள் பாக்கியசாலி.

பி

• பிஞ்சில வளெயாதது கம்புல வளெயுமா?

• பிள்ளை இல்லா வீட்டுக் கிழவன் துள்ளி விளையாடினானாம்!

• பிள்ளையையும் கிள்ளி விட்டு தொட்டிலையும் ஆட்டிவிட்டக் கதையாக...

• பிச்சை எடுத்ததாம் பெருமாள் அதை தட்டிப் பறிச்சுதாம் அனுமார்.

பு

• புகைக்கு தப்பி, அடுப்பில் விழுந்த மாதிரி.

• புத்திகெட்ட இராசாவுக்கு மதிகெட்ட மந்திரி.

• புத்திமான் பலவான்.

• புலி அடிச்சுதா? கிலி அடிச்சுதா?

• புலிக்குப் பிறந்தது பூனையாய்ப் போகுமா?

• புலிக்கு பயந்து சிங்கத்தின் வாயில் விழுந்தானாம்!

• புலியைப் பார்த்து பூனை சூடு போட்டுக்கொண்டதாம்.

• புலி பதுங்குவது பாய்ச்சலுக்கு அடையாளம்.

• புலி பசித்தாலும் புல்லைத் தின்னாது.

• புலவர் போற்றினும் போற்றுவர், தூற்றினும் தூற்றுவர்.

பூ

• பூனை கண்ணை மூடினால் பூலோகம் இருண்டு போய்விடுமா?

• பூனை குட்டியை மாத்தினாற்போல.

• பூ மலர்ந்து கெட்டது வாய் விரிந்து கெட்டது

• பூமியைப்போலப் பொறுமை வேண்டும்.

• பூவிற்றகாசு மணக்குமா?

• பூனைக்கு கொண்டாட்டம், எலிக்குத் திண்டாட்டம்.

• பூவோடு சேர்ந்த நாரும் மணம் பெறும்.

• புயலுக்குப் பின்னே அமைதி.

• பூனை உள்ள இடத்தில் எலி பேரன் பேத்தி எடுக்குது.

• பூ வின் மற்றோருப் பெயர் பெண்.

பெ

• பெட்டைக் கோழி எட்டிக் கொத்தாது

• பெண் என்றால் பேயும் இரங்கும்.

• பெண்டு வாய்க்கும் புண்ணியவானுக்கு பண்டம் வாய்க்கும் பாக்கியவானுக்கு.

• பெண்ணின் கோணல் பொன்னிலே நிமிரும்.

• பெண்ணென்று பிறந்த போது புருடன் பிறந்திருப்பான்.

• பெண் வளர்த்தி பீர்க்கங் கொடி.

• பெண்ணுக்கு இடம் கொடேல்.

• பெண் சிரித்தால் போச்சு, புகையிலை விரிந்தால் போச்சு!!

• பெண்டாட்டி இல்லை, கருவும் இல்லை மகனின் பெயர் கரிகாலனாம்....

• பெத்த அம்மா செத்தா பெத்த அப்பன் சித்தப்பன்

• பெருமாள் இருக்கிற வரையில் திருநாள் வரும்.

• பெருமை ஒருமுறம்; புடைத்து எடுத்தால் ஒன்றும் இல்லை!

• பெருமையும் சிறுமையும் வாயால் வரும்.

• பெற்ற மனம் பித்து பிள்ளை மனம் கல்லு.

• பெற்றால் தான் பிள்ளையா?

• பெண்பிள்ளை சிரித்தால் போச்சு, புகையிலை விரிந்தால் போச்சு.

• பெண்ணும் போதை தரும், கள்ளும் போதை தரும் இதற்கு தான் நாம் பெண்கள் என்று கூறுகிறோம்

• புகையிலை சுருள்நிலையிலிருந்து அகன்று விரிந்தால் பயன்படுத்தப் பக்குவமாகிவிட்டதென்று செடியிலிருந்து பறித்துவிடுவார்கள் அதுபோலவே ஒரு கன்னிப்பெண் ஒருவனைப் பார்த்து நட்பாகச் சிரித்தாலும், அவள் தன்னை விரும்புகிறாள் என்று தவறாக நினைத்து அவளை தன் காமவாஞ்சைக்கு பயன்படுத்திக்கொள்ள முற்படுவன் என்றுப்பொருள்...

பே

• பேசப் பேச மாசு அறும்.

• பேசாதிருந்தால் பிழையொன்றுமில்லை.

• பேராசை பெருநட்டம்.

• பேராசைக்காரனைப் பெரும்புளுகன் வெல்லுவான்.

• பேர் இல்லாச் சந்நிதி பாழ், பிள்ளை இல்லாச் செல்வம் பாழ்

• பேய் அரசாண்டால் பிணம் தின்னும் சாத்திரங்கள்.

• எவ்வளவு மேலான/புனிதமான விடயங்களும் தீயவன்/கொடுங்கோலன் ஆட்சிபுரியும்போது அவை அந்த நாட்டில் கெட்டு,அழிவுறும் என்பது பொருள்.

• பேய்க்கு வாழ்க்கைப்பட்டால் முருங்கை மரத்தில் ஏறத்தான் வேண்டும்.

பொ

• பொங்கும் காலம் புளி , மங்குங் காலம் மாங்காய்.

• பொய் சொல்லி வாழ்ந்தவனுமில்லை , மெய் சொல்லிக் கெட்டவனுமில்லை.

• பொய் சொன்ன வாய்க்குப் போசனங் கிடையாது.

• பொருள் இல்லார்க்கு இவ்வுலகு இல்லை, அருள் இல்லார்க்கு அவ்வுலகு இல்லை.

• பொறுத்தார் பூமி ஆள்வார் பொங்கினார் காடாள்வார்.

• பொறி வென்றவனே அறிவின் குருவாம்.

• பொறுமை கடலினும் பெரிது.

• பொற்கலம் ஒலிக்காது, வெண்கலம் ஒலிக்கும்.

• பொன் ஆபரணத்தைப் பார்க்கிலும் புகழ் ஆபரணமே பெரிது.

• பொன் குடத்திற்கு பொட்டிட்டா பார்க்கணும்?

• பொக்கை வாயனுக்கு பொரி உருண்டை கிடைத்தாற் போல...

போ

• போதாத காலத்தில் புடுக்கும் பாம்பாய்ப் பிடுங்கும்.

• போதும் என்ற மனமே பொன் செய்யும் மருந்து.

• போரோடு தின்கிற மாட்டுக்குப் பிடுங்கி போட்டுக் கட்டுமா?

• போனதை நினைக்கிறவன் புத்தி கெட்டவன்.

• போகாத ஊருக்கு வழி காட்டுகிறான்/வழி சொல்லுகிறான்.

• செயல்படுத்த முடியாத காரியங்கள்/செயல்களைப்பற்றி ஒருவர் பேசும்பொது/சொல்லும்போது, எதிர்த் தரப்பார் கையாளும் பழமொழி..ஒரு ஊரே இல்லை ஆனால் அதற்குப்போக வழி காட்டுகிறான் என்பதாகும்...

ம

• மகன் செத்தாலும் சாகட்டும், மருமகள் தாலி அறுக்கணும்.

• மடியிலே கனமிருந்தால்தான் வழியிலே பயம்.

• மடை திறந்த வெள்ளம் போல ......

• மட்டான போசனம் மனதிற்கு மகிழ்ச்சி.

• மண் குதிரையை நம்பி ஆற்றில் இறங்கலாமா?

  • இது 'மண்குதிரை (மண்குதிர்) நம்பி ஆற்றில் இறங்கலாமா' என்பதன் திரிந்த வழக்கு

• மண்குதிரை நம்பி ஆற்றில் இறங்கலாமா?மண்டையுள்ள வரை சளி போகாது.

  • மண்குதிர் என்பது புதுமணல் மேடு. அதை நம்பி ஆற்றில் இறங்கினால் புதைந்துவிட வாய்ப்புண்டு.

• மண்ணாசை, பெண்ணாசை, பொன்னாசை பொல்லாது.

• மணி அடித்தால் சோறு, மயிர் முளைத்தால் மொட்டை.

• மதியார் வாசலை மிதியாதிருப்பதே உத்தமம்.

• மதியாதார் வாயிலை மிதியாமை கோடி பெறும்.

• மந்திரிக்கும் உண்டு மதிக்கேடு.

• மரம் சும்மாயிருந்தாலும் காற்று விடுமா?

• மரம் செவனேன்னு கெடந்தாலும், காத்து கடனேன்னு அலைகழிக்குமாம்

• மரம் வெட்டுகிறவனுக்கு நிழலும்..., மண் தோடுகிறவனுக்கு இடமும் கொடுக்கும்.

• மரம் வைத்தவன் தண்ணீர் வார்ப்பான்.

• மருண்டவன் கண்ணுக்கு இருண்டதெல்லாம் பேய்.

• மருந்தும் விருந்தும் மூன்று வேளை.

• மருந்தே யாயினும் விருந்தோடு உண்.

• மலிந்த சரக்குக் கடைத் தெருவுக்கு வரும்.

• மலை அத்தனை சாமிக்குக் கடுகு அத்தனை கர்ப்பூரம்.

• மலை ஏறினாலும் மச்சினன் உதவி தேவை.

• மலையைத் துளைக்கச் சிற்றுளி போதாதா?

• மலை வாயில பொழுது, மக்கள் வாயில சோறு.

• மயிரை கட்டி மலையை இழு. வந்தால் மலை போனால் மயிர்

• மயிலே மயிலே என்றால் இறகு போடுமா?

• மல்லாந்து உமிழ்ந்தால் மார்மேல் விழும்.

• மல்லாந்து படுத்துக்கொண்டு காறி துப்பினாற் போல.

• மவுனம் கலக நாசம்

• மழைமுகம் காணாத பயிரும் தாய்முகம் காணாத பிள்ளையும்.

• மழை விட்டாலும் தூவானம் விடவில்லை.

• மனதிலிருக்கும் இரகசியம் மதி கேடனுக்கு வாக்கிலே.

• மனமுரண்டிற்கு மருந்தில்லை.

• மனம் உண்டானால் இடம் உண்டு.

• மனம் இருந்தால் மார்க்கமும் உண்டு.

• மனம் தடுமாறினால் மாற்றானுக்கு வலிமை.

• மனம் போல வாழ்வு.

• மனையுமில்லை, கருவுமில்லை மகனின் பெயர் சங்கிலிக்கருப்பனாம்!

• அடிப்படையான விடயங்கள் கைவசம் எதுவுமில்லாமல் பெரிய திட்டங்களும், எதிர்ப்பார்ப்புகளும் கொண்டவர்களைப் பரிகாசம் செய்யும் பழமொழி...எப்படி ஒருவன் தனக்கு பெண்டாட்டியில்லாமல், இருந்தாலும் அவள் கர்ப்பமாக முடியாவிட்டாலும், தன்மகன் இருப்பதாக நினைத்துக்கொண்டு, அவனுக்கொரு பெயரிட்டு மகிழ்வதைப்போல என்னும் பொருளில் பயன்படுகிறது...

• மன்னன் எப்படியே மன்னுயிர் அப்படி.

• மண்ணுயிரை தன்னுயிர்போல் நினை.

• மணலை கயிறாக திரிப்பது போல. ..

• மந்திரத்தால் மாங்காய் விழாது!

• மழை விட்டும் தூவானம் விடவில்லை!

மா

• மாதா பிதா செய்தது மக்களைக் காக்கும்.

• தாயும் தந்தையும் செய்த நற்செயல்களால் விளைந்த புண்ணியப் பலன்கள் அவர்களை மட்டுமல்லாது, அவர்கள் பெற்றப் பிள்ளைகளையும் காக்கும் என்பது பொருள்

• மாடம் இடிந்தால் கூடம்.

• மாடு எளைச்சாலும் கொம்பு எளைக்காது!

• மாடு எளைச்சாலும் கொம்பு எளைக்குமா?

• மாடு கிழமானாலும் பாலின் சுவை போகுமா?

• மாடு கெட்டால் தேடலாம் மனிதர் கெட்டால் தேடலாமா?

• மாடு மேய்க்காமற் கெட்டது பயிர் பார்க்காமற் கெட்டது.

• மாடு வாங்கறதுக்கு முன்னால நெய் கலயம் தேடுனது மாதிரி

• மாதா ஊட்டாத சோறு மாங்காய் ஊட்டும்.

• மா பழுத்தால் கிளிக்காம், வேம்பு பழுத்தால் காக்கைக்காம்.

• மாமியாரும் ஒரு வீட்டு மாட்டுப் பெண்தான்.

• மாமியார்க்குச் சாமியார் இவள்.

• மாமியார் செத்ததற்கு மருமகள் அழுதது போல்.

• மாமியார் உடைத்தால் மண் குடம் மருமகள் உடைத்தால் பொன்குடம்.

• மாமியார் உடைத்தால் மண்கலம், மாட்டுப்பெண் உடைத்தால் பொன்கலம்!

• மாமியார் மெச்சின மருமகளில்லை, மருமகள் மெச்சின மாமியாரில்லை.

• மாரடித்த கூலி மடி மேலே.

• மாரிக்காலத்தில் பதின்கல மோரும் கோடைக்காலத்தில் ஒருபடி நீருஞ் சரி.

• மாரி யல்லது காரியம் இல்லை.

• மாவுக்குத் தக்க பணியாரம்.(மாவுக்கேத்தப் பணியாரம்)

• மாற்றானுக்கு இடங் கொடேல்.

• மாற்றான் தோட்டத்து மல்லிகைக்கும் மணம் உண்டு!

• மானம் பெரிதோ? உயிர் பெரிதோ?

• மானைக் காட்டி மானைப் பிடிப்பார்.

• மானத்தை விட்டால் மார் மட்டும் சோறு.

மி

• மின்னுவதெல்லாம் பொன்னல்ல

• மிஞ்சியது கொண்டு மேற்கே போகுதல் ஆகாது.

• மிதித்தாரை கடியாத பாம்பு உண்டோ?

• மின்னுக் கெல்லாம் பின்னுக்கு மழை.

• மிரண்டவன் கண்ணுக்கு இருண்டதெல்லாம் பேய்.

மீ

• மீகாமன் இல்லா மரக்கலம் ஓடாது.

• மீன் குஞ்சுக்கு நீந்தவா கற்றுக்கொடுக்கணும்?

• மீன் வித்த காசு நாறுமா?

• மீ தூண் விரும்பேல்.

மு

• முக்காலும் காகம் முழுகிக் குளித்தாலும் கொக்காகுமா ?

• முன் ஏர் சென்ற வழியே, பின் ஏர் செல்லும். (பெற்றோர் வழிதான், குடும்பம் செல்லும்.)

• முன் ஏர் போன வழிப் பின் ஏர்.

• முன்கை நீண்டால்தான் புறங்கை நீளும்.

• முன்கை நீண்டால் முழங்கை நீளும்.

• முடிச்சு போட்டு பேசறவங்க, முட்டாள்.( நன்கு அறியாமல் பேசக்கூடாது.)

• முட்டிக்கு போனாலும் மூன்று பேர் ஆகாது.....(முட்டி என்றால் பிச்சை)

• முண்டச்சிக்கு வருவதெல்லாம் முறட்டு இழவாம்!

• முழுக்க நனஞ்ச பின் முக்காடு எதுக்கு?

• முழு பூசனிக்காயை சோற்றில் மறைக்க முடியுமா?

• முழு பூசணிக்காயை சோற்றில் மறைத்தாற் போல.

• முகத்துக்கு முகம் கண்ணாடி

• முக்காலும் காகம் முழுகிக் குளித்தாலும் கொக்காகுமா?

• முடங்க பாய் இல்லையினு சடங்க நிறுத்த முடியுமா?

• முடவன் கொம்புத் தேனுக்கு ஆசைப் பட்டாற்போல!..

• முட்டாள் தனத்துக்கு முதல் பாக்குக்காரன்.

• முட்டையிடுகிற கோழிக்கு வருத்தம் தெரியும்.

• முட்டிக்கு (பிச்சைக்கு) போனாலும் மூன்று பேர் ஆகாது.

• முதலியார் டம்பம் விளக்கெண்ணெய்க்குக் கேடு.

• முதலையும் மூர்க்கனும் கொண்டது விடா

• முதல் கோணல் முற்றுங் கோணல்

• முத்தால் நத்தைப் பெருமைப்படும் , மூடர் எத்தாலும் பெருமை படார்.

• முப்பது வருடம் வாழ்ந்தவனும் இல்லை, முப்பது வருடம் தாழ்ந்தவனும் இல்லை.

• முயற்சி உடையார் இகழ்ச்சி அடையார்!

• முயற்சி திருவினை ஆக்கும்.

• முருங்கை பருத்தால் தூணாகுமா?

• முள்ளு முனையிலே மூணு குளமாம்!

• மிகச் சிறிய பிரச்சினை/விடயத்திலும், சுமுகமாக இல்லாமல், ஒருவருக்கொருவர் முரண்டுப் பிடித்துக்கொண்டு ஒற்றுமையில்லாமல் பிரிந்துக் கிடப்பது என்றுப் பொருள்...முள்ளின் முனை எவ்வளவு சிறியது!...அதில் மூன்று பின்னங்களை உண்டாக்குவது எப்படி சரியல்லவோ அப்படி என்பதாம்...

• முள்ளுமேல் சீலைபோட்டால் மெல்ல மெல்லதான் வாங்கவேண்டும்.

• முற்பகல் செய்யின் பிற்பகல் விளையும்.

• முற்றும் நனைந்தவர்களுக்கு ஈரம் ஏது?

• முன் வைத்த காலைப் பின் வைக்காதே!

• முன்ன பேயாமல் கெடுக்கும், பின்ன பேஞ்சு அழிக்கும்.

• முன்னவனே முன் நின்றால் முடியாத பொருள் உளதோ?

மூ

• மூட கூட்டுறவு முழுதும் அபாயம்.

• மூத்தோர் சொல் வார்த்தை அமுதம்.

• மூத்தோர் சொல்லும் முதுநெல்லிக்காயும் முன்னே கசக்கும் பின்னே இனிக்கும்.

• மூன்று முறை முகத்தில் அடித்தால் புத்தருக்கும் கோபம் வரும்.

• மூர்க்கனுக்கு செய்யாதே உபதேசம்.

• மூர்த்தி சிறியதானாலும் கீர்த்தி பெரியது.

மெ

• மெய்சொல்லிக் கெட்டவனுமில்லை பொய்சொல்லி வாழ்ந்தவனுமில்லை.

• மெல்லப்பாயும் தண்ணீர் கல்லையும் குழியாக்கும்.

மே

• மேருவைச் சார்ந்த காகமும் பொன்னிறம்

• மேற்கே மழை பெய்தால் கிழக்கே வெள்ளம் வரும்

மொ

• மொட்டைத்தலைக்கும் முழங்காலுக்கும் முடிச்சு போட்டாற்போல!

• மொழி தப்பினவன் வழி தப்பினவன்

மோ

• மோகம் முப்பது நாள், ஆசை அறுபது நாள்.

• மோரை பெருக்கு, நெய்யை உருக்கு.

• மெளனம் மலையைச் சாதிக்கும்.

ய

• யதார்த்தவாதி வெகுசன விரோதி.

• உள்ளதை உள்ளபடியே, ஒளிவு, மறைவு இல்லாமல், நடைமுறைப்படி சொல்பவன்/பேசுபவன் பெரும்பாலாருக்கு/எல்லாருக்கும் பிடிக்காத விரோதி போலாகிறான் என்பது கருத்து.

யா

• யார் இட்ட சாபமோ? அடிநாளின் தீவினையோ?

• யானை இருந்தாலும் ஆயிரம் பொன், இறந்தாலும் ஆயிரம் பொன்.

• யானை வரும் பின்னே மணியோசை வரும் முன்னே.

• யானைக்கு வாலாக இருப்பதைவிட, எறும்புக்குத் தலையாக இருப்பது மேல்.

• யானைப் பசிக்கு சோளப் பொரி.

• யானை படுத்தால் குதிரை உயரம் (அதனால், யானையாக எழுந்து நில் என்ற பொருள்).

யோ

• யோக்கியன் வர்றான் சொம்பெடுத்து உள்ள வை.

ரா

• ராமேஸ்வரம் போனாலும் சனீஸ்வரன் விடாது.

• ராஜாவ மிஞ்சுன ராஜ விசுவாசி.

வ

• வஞ்சகம் வாழ்வைக் கெடுக்கும்.

• வட்டி ஆசை முதலுக்கு கேடு.

• வடக்குப் பார்த்த மச்சு வீட்டைப் பார்க்கிலும் தெற்குப் பார்த்த குச்சு வீடு நல்லது.

• வடக்கே கருத்தால் மழை வரும்.

• வண்ணானுக்கு வண்ணாத்தி மேல் மோகம், வண்ணாத்திக்கோ கழுதை மேல் மோகம்.

• வணங்கின முள் பிழைக்கும்.

• வணங்குன புல்லு தைக்கும்.

• வந்த மாட்டயும் கட்ட மாட்டான் வராத மாட்டயும் தேட மாட்டான்.

• வந்த விதி வந்தால் வாய் திறக்க வழியிருக்காது!

• வந்த வேலெயப் பாக்காம பந்தக்காலெ ஆட்னானான்.

• வந்ததை வரப்படுத்தடா வலக்காட்டு ராமா!

• வந்தா வரவுல வை வராட்டி செலவுல வை.

• வரவு எட்டணா செலவு பத்தணா.

• வரவுக்குத் தக்கபடி செலவை வரையறு.

• வரிந்து இட்ட அன்னமும் சொரிந்து இட்ட எண்ணெய்யும்... (ஒட்டும்)

• வருந்தினால் வாராதது இல்லை.

• வரும் விதி வந்தா பட்டே ஆகவேண்டும்.

• வல்லான் வகுத்ததே வாய்க்கால்

• வல்லவனுக்கு புல்லும் ஆயுதம்.

• வல்லவனுக்கு வல்லவன் வையகத்தில் உண்டு

• வல்லூறு பார்வை இங்கே. வௌவால் பார்வை எங்கே?

• வழவழத்த உறவைப் பார்க்கிலும் வைரம் பற்றிய பகை நன்று.

• வழிவழியாப் போகும்போது விதி விதியா வருது

• வளத்த பிள்ளை சோறுபோடாவிடிலும் வைத்த பிள்ளை சோறு போடும்.

• வளர்த்த கிடா மார்பில் பாய்ந்தாற் (பாய்ந்தது)போல.....

• வளவனாயினும் அளவறிந் தளித்துண்

வா

• வாங்கிறதைப் போலிருக்க வேண்டும் கொடுக்கிறதும்

• வாங்கப்போனால் ஆனை விலை, விற்கப்போனால் குதிரை விலை.

• வாய்ச்சொல் தலசுமை (வாய்ச்சொல் தலமூட்ட)

• வாயிலிருக்கிறது வழி!

• வாயுள்ள பிள்ளை பிழைக்கும்.(பிழைத்துக்கொள்ளும்)

• வாய் சர்க்கரை கை கருணைக் கிழங்கு.

• வாய் மதத்தால் வாழ்வு இழக்கும்.

• வாய்க்கேற்ற கை

(வெறும் பேச்சு மட்டுமல்ல, பேசுமளவுக்கு காரியங்களும் செய்வர் எனப்பொருள்)

• வாழ்கிறதும் கெடுகிறதும் வாயினால்தான்.

• வாழ்வும் தாழ்வும் சில காலம்.

• வாழும் பிள்ளையை மண் விளையாட்டில் தெரியும்.

• வாழைப்பழம் வேண்டாமென்னும் குரங்குமுண்டோ?

• வாழையடி வாழையாக .........

• வாணலிக்குத் தப்பி அடுப்பில் விழுந்த கதையாய் .....

• வானம் பொய்த்தாலும் நீதி பொய்க்காது

வி

• விண் பொய்த்தால் மண் பொய்க்கும்.

• விரலுக்குத் தகுந்த வீக்கம்.

• விறகு வெட்டிக்குத் தலைவலி வந்தா, விறகால ரெண்டு போடு

• விடிய விடிய ராமாயணம் கேட்டு, விடிந்த பிறகு சீதைக்கு ராமன் என்ன முறை.

• விடிய விடிய வெகுமானம் விடிஞ்சா அவமானம்.

• விடு என்றால் பாம்புக்கு கோபம், கடி என்றால் தவளைக்கு கோபம்.

• விதி எப்படியோ மதி அப்படி.

• விதியை மதியால் வெல்லலாம்.

• வித்தைக்கு அழிவில்லை.

• விந்து விட்டான், நொந்து கெட்டான்!

• மிதமிஞ்சிய சம்போகத்தில் ஈடுபட்டு வீரியத்தை அதிக அளவில் இழப்பவன், பற்பல உடற் உபாதைகளால் பாதிக்கப்பட்டு மிகவருந்துவர் என்றுப் பொருள்

• வியாதிக்கு மருந்துண்டு விதிக்கு மருந்துண்டா?

• விருப்பத்தினால் ஆகாதது வீம்பினால் ஆகுமா?

• விரை ஒன்று போடச் சுரை ஒன்று முளைக்குமா?

• வில்வப்பழம் தின்பார் பித்தம் போக பனம் பழம் தின்பார் பசி போக.

• விலை மோரில் வெண்ணை எடுத்துத் தலைச்சனுக்குக் கல்யாணம் செய்வாளாம்

• விளக்கு மாற்றுக்குப் பட்டுக் குஞ்சமா?

• விளையாட்டாய் இருந்தது வினையாய் முடிந்தது.

• விளையும் பயிர் முளையிலே தெரியும்.

• வினை விதைத்தவன் வினை அறுப்பான், தினை விதைத்தவன் தினை அறுப்பான்

• விருந்தும் மருந்தும் மூன்று நாள்.

• விற்கப்போனால் குதிரை விலை, வாங்கப்போனால் ஆனை விலை.

வீ

• வீட்டுக்கு வீடு மண் வாசற்படி

• வீட்டுக்கு அடங்காத பிள்ளை ஊருக்கு அடங்கும்!

• வீடு போ போ எங்குது, காடு வா வா எங்குது.

• வீட்டுத் திருடனை பிடிப்பது அந்த கடவுளுக்கும் ஏலாது.

• வீம்புக்கு ஊம்பினாற் போல!

வெ

• வெட்டிண்டு வா என்றால் கட்டிண்டு வருவான்.

• வெட்டு ஒன்னு துண்டு ரெண்டு.

• வெட்றவன தான ஆடு நம்பும்.

• வெண்கலக்கடையில் யானை புகுந்தாற் போல....

• வெண்டை முதிர்ந்தாலும் பிரம்மசாரி முதிர்ந்தாலும் வேலைக்கு ஆகாது!!

• வெண்ணெய் திரண்டுவர தாழி உடைவது போல்.

• வெண்ணெயை வைத்துக்கொண்டு நெய்க்கு அலைவானேன்.

• வெந்த புண்ணில் வேலைப் பாய்ச்சுவதைப் போல....

• வெயிலின் அருமை நிழலில் தெரியும்!

• வெளங்தாவன் வேலைக்கு போனான்னாம் வேலெ ஆப்புட்டுச்சாம் கூலி ஆப்புடலயாம்.

• வெள்ளத்த தான ஈ மொய்க்கும்.

• வெளுத்ததெல்லாம் பாலல்ல.

• வெறும் வாய் மெல்லுகிறவளுக்கு அவல் கிடைச்சதுபோல .

வே

• வேலிக்கு ஓணான் சாட்சி.

• வேலிலா போற ஓணான வேட்டிக்குள்ள உட்டாப்ல.

• வேலிக்குப் போட்ட முள் காலுக்கு வினையாச்சு.

• வேலியே பயிரை மேய்ந்தாற் போல...

• வேலை வரும்போதுதான் பேல வரும்.

• வேண்டும் என்றால் வேரிலும் காய்க்கும்; வேண்டாவிட்டால் கொம்பிலும் காய்க்காது!

• வேண்டாத பெண்டாட்டி கை பட்டால் குற்றம், கால் பட்டால் குற்றம். (Faults are thick when love is thin)

• வேண்டா வெறுப்புக்கு புள்ள பெத்து காண்டாமிருகம்-னு பேரு வச்சது மாதிரி...

• வேதாரண்யம் விளக்கழகு

• வேளையும், நாழிகையும் வந்தால், வேண்டாம் என்றாலும் நிற்காது.

• வேளைக் கள்ளிக்குப் பிள்ளை சாக்கு.

வை

• வைத்தியனுக்கு கொடுப்பதை வாணியனுக்குக் கொடு.

• வைத்தியனுக்கு தன் வைத்தியம் பலிக்காது.

• வைத்தியன் பெண்டாட்டி சாவதில்லையா? ஜோசியன் பெண் அறுப்பதில்லையா?

• வைத்தால் குடுமி சிரைத்தால் மொட்டை.

• வைத்தால் பிள்ளையார், வழித்து எறிந்தால் சாணி.